«ەلباسى. جاستار. جاسامپازدىق» جوباسىنىڭ اتاۋى نۇرسۇلتان نازارباەۆتىڭ 2019 جىلدى «جاستار جىلى» دەپ جاريالاۋىمەن بايلانىستى بولىپ وتىر. جوبا ەلباسىنىڭ شىعارماشىل يدەيالارىن دارىپتەۋگە, ەكسكۋرسيا ۇيىمداستىرۋدىڭ ادىستەرىن دامىتۋعا, سونىمەن قاتار, قازاقستان رەسپۋبليكاسىنىڭ تۇڭعىش پرەزيدەنتىنىڭ ءومىرى مەن قىزمەتىن تانىستىرۋعا باعىتتالعان.
«الماتى - ەلباسىنىڭ تۋعان جەرى عانا ەمەس, مۇندا ونىڭ قازاق كسر مينيسترلەر كەڭەسى توراعالىعىنان قازاقستان تۇڭعىش پرەزيدەنتىنە دەيىنگى ساياسي كوشباسشى رەتىندەگى قالىپتاسۋ جولى باستالدى. الماتى - تاۋەلسىزدىك تۇسىندا ەڭ ىقپالدى شەشىمدەر قابىلدانعان قازاقستان ەگەمەندىگىنىڭ بەسىگى. اتالعان جوبادا سول ۋاقىتتاردان سىر شەرتەتىن مۇراعاتتار بار. بۇل - قازىرگى جاس قازاقستاندىقتار مىندەتتى تۇردە ءبىلۋى, وقۋى جانە كورۋى ءتيىس دۇنيەلەر», - دەدى ەلباسى كىتاپحاناسىنىڭ ديرەكتورى ءامىرحان راحىمجانوۆ.
جوبا تۇساۋكەسەرىندە قازاقستان مەملەكەتتىك كۇزەتىنىڭ پرەزيدەنتتىك وركەسترى ارنايى دايىنداعان پلاتس-كونتسەرتتىك باعدارلامامەن ونەر كورسەتتى. قازاقستان مەملەكەتتىك كۇزەتى قىزمەتى قۇرمەت قاراۋىلىنىڭ روتاسى جۇرتشىلىق نازارىنا اسكەري قويىلىمىن ۇسىندى.
«ەلباسىنىڭ شەشىمىمەن جاريالانعان جاستار جىلى جاستارعا, ستۋدەنتتەرگە زور مۇمكىندىك بەرىپ جاتىر. جوو گرانتتارىنىڭ, سىياقىلار مەن شاكىرتاقىلاردىڭ سانى ارتتى. شەتەلدە ءبىلىم الۋعا بارلىق جاعداي جاسالعان. مۇنىڭ بارلىعى بولاشاققا دەگەن سەنىمدى نىعايتىپ, قازاقستاننىڭ ىلگەرى دامۋىنا نەگىز بولارى ءسوزسىز», - دەدى ءال-فارابي اتىنداعى قازۇۋ رەكتورى عالىمقايىر مۇتانوۆ.
جوبا اياسىندا ءال-فارابي اتىنداعى قازۇۋ كىتاپحاناسىندا «ۋاقىت تاڭداۋى» دەرەكتى ءفيلمى كورسەتىلدى. سونىمەن قاتار, ءامىرحان راحىمجانوۆ پروفەسسور-وقىتۋشىلار, دوكتورانتتار جانە ماگيسترانتتارمەن كەزدەسىپ, ءدارىس وقىدى. سونداي-اق, «جاستار - ۇلت تىرەگى» كەشەندى كورمەسى قويىلىپ, ەلباسى كىتاپحاناسىنداعى ارحيۆ, مۋزەي جانە كىتاپحانا جيناقتارىنىڭ ماتەريالدارى كورسەتىلدى. كورمەنىڭ العاشقى بولىمىندە ەلباسى ەسىمىمەن بىتە قايناعان تاۋەلسىز قازاقستاننىڭ تاريحى ارحيۆ ماتەريالدارى, كىتاپتار مەن مۋزەي جادىگەرلەرى ارقىلى كورسەتىلدى. جاستار اتتى ەكىنشى كورمە تاۋەلسىزدىكتىڭ العاشقى جىلدارىندا مەملەكەتتىك ساياساتتىڭ ءبىلىم جانە عىلىم سالاسى حالىقارالىق ءبىلىم كەڭىستىگىنە ينتەگراتسيالانۋىنا جانە دايەكتى دامۋىنا باعىتتالدى. جاسامپازدىق كورمەنىڭ ءۇشىنشى ءبولىمى بولاشاققا باعىتتالعان قازاقستاننىڭ دامۋ ستراتەگياسىن, قوعامدىق ۇيىمداردىڭ, ازاماتتاردىڭ تۇلعالىق دامۋىنىڭ بەلسەندى ءومىر ۇستانىمىن كورسەتەدى.
كوشپەلى اقپاراتتىق-يميدجدىك جوبا اياسىندا ەكسكۋرسيالار جۇرگىزىلەدى. «تاريحي تاڭداۋ» كوشپەلى تاقىرىپتىق ەكسكۋرسياسى نۇرسۇلتان نازارباەۆتىڭ كومسومول-مەتاللۋرگتەن باستاپ ۇلت كوشباسشىسىنا دەيىنگى ءجۇرىپ وتكەن جولىن باياندايتىن ماتەريالداردىڭ تولىق كەشەنىمەن تانىستىرادى. «قازاقستاننىڭ سپورتتىق داڭقى» تاقىرىپتىق ەكسكۋرسياسى تاۋەلسىزدىك جىلدارىنداعى ەلىمىزدىڭ سپورتتىق جەتىستىكتەرىمەن تانىستىرادى. كەلۋشىلەر ەلباسى كىتاپحاناسى مۋزەيىنىڭ قورىنداعى ن.ءا.نازارباەۆقا وتاندىق جانە شەتەلدىك سپورتشىلار تارتۋ ەتكەن سىيلىقتار توپتاماسىن, سونداي-اق ولاردىڭ جەكە زاتتارىن دا كورە الادى.