ۇلتتىق بانكتىڭ قايتا ۇيىمداستىرىلۋى ناتيجەسىندە قارجى نارىقتارىن رەتتەۋ جانە دامىتۋ جونىندەگى اگەنتتىك قۇرىلاتىن بولدى.
«جاڭا اگەنتتىك ۇلتتىق بانكتى قايتا ۇيىمداستىرۋ ەسەبىنەن قۇرىلادى. جاڭا ورگانعا ۇلتتىق بانكتەن وكىلەتتىك بەرىلەدى. ءبىز فۋنكتسيالارىن, وكىلەتتىگى مەن شتاتىن زاڭ جوباسىندا قاراستىردىق. اگەنتتىككە قازىرگى شتاتتان 500 ادام بەرىلەدى. قارجى مينيسترلىگىمەن بىرگە بۇل جۇمىستى مامىر-ماۋسىم ايلارىنىڭ ورتاسىنا دەيىن اياقتاعالى وتىرمىز», دەدى ەربولات دوساەۆ.
جاڭا ورگانعا قارجى نارىعىن دامىتۋ جانە رەتتەۋ فۋنكتسيالارى, سونداي-اق تۇتىنۋشى قۇقىعىن قورعاۋ مىندەتتەرى جۇكتەلەدى. ول قازاقستان رەسپۋبليكاسىنىڭ پرەزيدەنتىنە ەسەپ بەرۋگە مىندەتتى بولادى.
قارجى نارىعىن رەتتەۋ مەن دامىتۋ ماسەلەلەرى تۋرالى زاڭ جوباسى بويىنشا جاڭا ورگان 2020 جىلدىڭ باسىندا جۇمىسىن باستايدى. ەربولات دوساەۆتىڭ ايتۋىنشا, جاڭا اگەنتتىك الماتىدا بولادى. ۇلتتىق بانك كەلەشەكتە نۇر-سۇلتان قالاسىنا كوشىرىلەدى.
ۇلتتىق بانك اقشا-نەسيە ساياساتىنىڭ ءتيىمدى جۇرگىزۋمەن جانە ينفلياتسيانى باقىلاۋ شارالارىن قاداعالاۋ جۇمىستارىمەن اينالىسادى.