سەيسەنبى, 15 قاڭتار 2013 7:33
ءىس قايتا قارالادى
ەگيپەتتىڭباسپروكۋراتۋراسىەلدىڭبۇرىنعىپرەزيدەنتىحوسنيمۇباراكتىڭادۆوكاتتارىنىڭقازىناعا2,7 ميلليوناقشدوللارىنقايتارۋجونىندەگىۇسىنىسىمەنكەلىستى.بۇلقارجىح.مۇباراكتىڭ «ال-احرام»مەدياحولدينگىنەنكەزىندەالعانسىيلىقتارىقۇنىنىڭورنىنتولتىرۋعاارنالعان.
سەيسەنبى, 15 قاڭتار 2013 7:33
ءىس قايتا قارالادى
ەگيپەتتىڭباسپروكۋراتۋراسىەلدىڭبۇرىنعىپرەزيدەنتىحوسنيمۇباراكتىڭادۆوكاتتارىنىڭقازىناعا2,7 ميلليوناقشدوللارىنقايتارۋجونىندەگىۇسىنىسىمەنكەلىستى.بۇلقارجىح.مۇباراكتىڭ «ال-احرام»مەدياحولدينگىنەنكەزىندەالعانسىيلىقتارىقۇنىنىڭورنىنتولتىرۋعاارنالعان.
اتالعان قارجىنى ەكس-پرەزيدەنتتىڭ تۋىستارى ەكى كۇن ىشىندە تولەۋى ءتيىس. ونىڭ ادۆوكاتتارى وسى قاراجاتتى تولەگەننەن كەيىن, پروكۋراتۋرادان ح.مۇباراكقا قاتىستى تەرگەۋ ءىسىن توقتاتۋدى تالاپ ەتۋى مۇمكىن. بۇدان ەكى كۇن بۇرىن حوسني مۇباراك تەرگەۋ ءىسىن ءارى قاراي جالعاستىرۋ ءۇشىن تۇرمە گوسپيتالىنان كايردەگى اسكەري گوسپيتالعا جەتكىزىلگەن بولاتىن. ەگيپەتتىڭ كاسساتسيالىق سوتى 13 قاڭتاردا بۇرىنعى پرەزيدەنتتىڭ ءىسىن قايتا قاراۋ جونىندەگى ءوتىنىشىن قاناعاتتاندىرعان ەدى. وعان قاتىستى ءىستى تىڭداۋ قاشان وتەتىنى ازىرگە بەلگىسىز.
باس ءمينيستردى وتستاۆكاعا جىبەردى
پاكستاننىڭ پرەمەر-ءمينيسترى رادجا پەرۆەز اشراف كەشە بەلۋدجستان پروۆينتسياسىنىڭ باس ءمينيسترىن وتستاۆكاعا جىبەردى. «فرانس-پرەسس» اقپارات اگەنتتىگىنىڭ حابارلاۋىنشا, بۇعان اتالعان پروۆينتسيادا بىرنەشە تەررورلىق ارەكەتتەر سالدارىنان 115 ادامنىڭ قازا تابۋى سەبەپ بولعان.
پرەمەر-مينيستر مۇنداي شەشىمدى كۆەتتا قالاسىندا مۇسىلمان شيتەردىڭ حالىقتىڭ قاۋىپسىزدىگىن قورعاۋدا بيلىكتىڭ ەشقانداي دا ارەكەت ەتپەي وتىرعانىنا قارسىلىق ءبىلدىرۋى كەزىندە ولارمەن كەزدەسۋىندە قابىلداعان. سونداي-اق, پرەمەر-مينيستر الداعى ەكى ايدا بەلۋدجستان پروۆينتسياسىن ارنايى تاعايىندالعان گۋبەرناتور قاداعالايتىنىن مالىمدەدى. بۇدان بولەك پرەمەر قازا تاپقاندار تۋىستارىنىڭ قويعان بىرقاتار تالاپتارىمەن دە كەلىستى. تەررورلىق ارەكەتتەر جاسالعان كۇننىڭ ەرتەسىندە مەرت بولعانداردىڭ جاقىن تۋىستارى ولاردىڭ مايىتتەرىن جەرلەۋدەن باس تارتقان ەدى.
190 ادام بوستاندىققا شىقتى
گرۋزيادا سوتتالعاندارعا راقىمشىلىق جاساۋ تۋرالى قۇجات كۇشىنە ەندى. وسىعان بايلانىستى ءبىر كۇننىڭ ىشىندە ساياسي بەلگىلەرى بويىنشا سوتتالعان 190 ادام بوستاندىققا شىقتى. بۇل جونىندە «ينتەرفاكس» اقپارات اگەنتتىگى حابارلادى.
بوستاندىققا شىققانداردىڭ اراسىندا ەلدىڭ بۇرىنعى بيلىگى «رەسەيلىك جانسىزدار» دەپ ايىپ تاققان رۋبەن شيكويان, تاريەل اباشيدزە, ۆياچەسلاۆ پلۋجنيكوۆ, تاعى باسقالار بار. اگەنتتىكتىڭ اقپاراتتارىنا قاراعاندا, ولارعا 2011 جىلدىڭ جازىندا ۇكىم شىعارىلعان. راقىمشىلىق جاسالۋىنا بايلانىستى جاقىنداعى ەكى ايدا ءۇش مىڭ ادام بوستاندىققا شىعارىلادى. باس بوستاندىعىنان ايىرىلعان تاعى 14 مىڭ ادامنىڭ جازاسىنىڭ مەرزىمى قىسقارتىلادى. پارلامەنت قابىلداعان بۇل زاڭعا ەل پرەزيدەنتى م.سااكاشۆيلي ۆەتو قويعان بولاتىن. ال قۇجات وتكەن سەنبىدە پارلامەنتتە كوپشىلىك داۋىسپەن قابىلداندى.
قىسقا قايىرىپ ايتقاندا:
رەسەي قورعانىس ءمينيسترى سەرگەي شويگۋ مينيسترلىكتىڭ باس اسكەري دارىگەرى ۆ.نوۆيكوۆتى اسكەريلەرگە ءتيىستى مەديتسينالىق كومەكتەر كورسەتىلمەيتىندىگىنە بايلانىستى قىزمەتىنەن بوساتتى.
قىتاي بيلىگى پەكيندە جاڭا اۋەجاي قۇرىلىسىن سالۋ جوباسىن بەكىتتى. ونىڭ قۇنى 11,2 ميلليارد دوللاردى قۇرايدى.
lنيۋ-يورك شتاتىنىڭ گۋبەرناتورى جۇقپالى تۇماۋدىڭ كەڭ تارالۋىنا بايلانىستى شتات اۋماعىندا توتەنشە جاعداي جاريالادى.
رەسەيلىك «سەۆماش» كاسىپورنى وسى جىلدىڭ شىلدەسىندە «بورەي» جوباسى بويىنشا بەسىنشى ستراتەگيالىق اتوم سۇڭگۋىر كرەيسەرىن, ال قاراشا ايىندا التىنشى كرەيسەرىن جاساۋدى جوسپارلاپ وتىر.
اسكەري وپەراتسياعا ۇلىبريتانيا دا قوسىلدى
بىرقاتار اقپارات اگەنتتىكتەرىنىڭ حابارلاۋىنشا, ۇلىبريتانيا ماليگە يسلامشىلارعا قارسى كۇرەس وپەراتسيالارىن جۇزەگە اسىرۋ ءۇشىن حالىقارالىق كۇشتەر رەتىندە ەكى اسكەري كولىك ۇشاعىن اتتاندىرادى. كورولدىكتىڭ اسكەري-اۋە كۇشتەرىنىڭ ۇشاقتارى كەشە نەمەسە بۇگىن ۇشىپ شىعۋى ءتيىس.
ولاردىڭ ۇشاقتارى ماليگە وسى ەلدە اسكەري وپەراتسيالار جۇرگىزىپ جاتقان فرانتسيانىڭ ءوتىنىشى بويىنشا كەلەتىن سياقتى. سونداي-اق, بۇل ەلگە باتىس افريكاداعى شاعىن مەملەكەتتەر سانالاتىن توگو, نيگەر, بۋركينو-فاسو جانە نيگەريا دا جالپى سانى 500 ادامدىق شەكتەۋلى كونتينگەنت جىبەرەتىندەرىن مالىمدەدى. وتكەن جىلدىڭ ساۋىرىندە كوتەرىلىسشى تۋارەگتەر ءماليدىڭ سولتۇستىگىندەگى اۋماقتىڭ باسىم بولىگىن وزدەرىنىڭ باقىلاۋىنا العان ەدى.
بىرەگەي وبسەرۆاتوريانى دا ءبۇلدىردى
اۆستراليانىڭ جاڭا وڭتۇستىك ۋەلس شتاتىنداعى تابيعي ءورت ونشاقتى تۇرعىن ءۇيدى جايپاپ, اۆسترالياداعى ءىرى تەلەسكوپ «سايدينگ-سپرينگ» وبسەرۆاتورياسىن ءبۇلدىردى. بۇل جونىندە كەشە ۆۆس News حابارلادى.
اتالعان اگەنتتىكتىڭ مالىمەتتەرى بويىنشا, 30-دان استام تۇرعىن ءۇي مەن عيمارات ورتكە ورانعان. وسى شتاتتىڭ اۋماعىندا 170-كە جۋىق ءورت وشاعى تىركەلگەن, سونىڭ 30-دان استامى ءالى اۋىزدىقتالماي وتىر. ءورت ءسوندىرۋ قىزمەتىنىڭ دەرەكتەرىنە قاراعاندا, كەلتىرىلگەن شىعىن كولەمى اسا ۇلكەن. ال «سايدينگ-سپرينگ» وبسەرۆاتورياسى لينزاسىنىڭ ديامەترى 3,9 مەتر ەكەن. لينزا اۆستريا مەن ۇلىبريتانيادا جاسالىپتى.
ءجاسوسپىرىمنىڭ «مىقتىلىعىن» قارا!
«رەيتەر» اگەنتتىگىنىڭ حابارلاۋىنشا, يتاليالىق اتا-انا اسىراپ العان 13 جاستاعى ءجاسوسپىرىم اكەسىنىڭ «مەرسەدەس» اۆتوكولىگىن «قۋىپ» كەتىپ, ەۋروپا اۋماعىنداعى جولدارمەن 800 شاقىرىمدى باسىپ وتكەن.
قالتاسىندا 200 ەۋروسى بار ءجاسوسپىرىم يتاليانىڭ سولتۇستىگىندەگى شاعىن پەدەروببا قالاسىنان جولعا شىعىپ, اۆتوكولىكپەن ءبىر تاۋلىككە جۋىق جول ءجۇرىپتى. ونى گەرمانيانىڭ لەيپتسيگ اۋدانىندا عانا قىراعى پوليتسەيلەر بايقاپ قالىپ, توقتاتقان ەكەن. الگى بالا وسىنىڭ الدىندا اسىراپ العان اناسىنا رەنجىپ, ءوزىنىڭ پولشاداعى بيولوگيالىق اكە-شەشەسىن جانە قارىنداسىن ىزدەپ جولعا شىعىپتى. پوليتسيا قىزمەتكەرلەرىنىڭ ايتۋىنشا, ول ءوزىنىڭ قاتەلىگىن مويىنداعان ءارى كەشىرىم سۇراعان. سونىمەن قاتار, ول اۆتوكولىك جۇرگىزۋدى, جول كارتاسىن پايدالانۋدى جاقسى بىلگەن.
ينتەرنەت ماتەريالدارى نەگىزىندە ازىرلەندى.