«Egemen Qazaqstan» گازەتىنىڭ مەرەيتويى اياسىندا ءوتىپ جاتقان ءار ءىس-شارا وتە ماڭىزدى. بۇگىن نۇر-سۇلتان قالاسىنىڭ تورىندە ءبىز ءجۇز كوشەت وتىرعىزۋعا جينالدىق. وسى يگى شارا قۇتتى بولسىن! «بابالار ەككەن شىناردى بالالار سايالايدى» دەيدى عوي, سوندىقتان دا بۇگىن وتىرعىزىلاتىن اعاشتارىمىز ۇلكەن ساياباققا اينالسىن. ءوسىپ كەلە جاتقان ۇرپاق بۇل ساياباقتى بىزدەر «Egemen Qazaqstan» گازەتىنىڭ قۇرمەتىنە ەككەنىمىزدى ءبىلىپ ءجۇرسىن. ەلىمىز, نۇر-سۇلتان قالامىز, «Egemen Qazaqstan» گازەتىمىز وركەندەي بەرسىن, گۇلدەي بەرسىن!», دەدى داۋرەن اباەۆ.
سونىمەن قاتار, سەنبىلىككە اتالعان گازەتتىڭ كوركەيۋىنە ۇلكەن ۇلەس قوسقان ءماجىلىس دەپۋتاتى, پۋبليتسيست ساۋىتبەك ابدراحمانوۆ ارنايى كەلدى. «جىل باسىنان بەرى «ءجۇز جىلدىق جىلناما» دەپ گازەتتىڭ ماڭدايىنا جارقىراتىپ جازىپ, گازەت وسى ۇلى بەلەستى جاقسى اتاپ كەلە جاتىر. بۇگىن وسىنداي جاقسى ءىس-شارا ۇيىمداستىرىلىپ وتىر. الداعى ۋاقىتتا بۇل ساياباق گازەتتىڭ 100 جىلدىعىن ءبىزدىڭ ەسىمىزگە سالىپ تۇراتىن بولسىن. جاقسى كۇندەرىمىز كوپ بولسىن, باسىلىمنىڭ ابىرويى ارتا بەرسىن!», دەدى ساۋىتبەك ابدراحمانوۆ.
ءوز كەزەگىندە «Egemen Qazaqstan» رەسپۋبليكالىق گازەتى» اق باسقارما توراعاسى دارحان قىدىرالى بۇل مەرەيتويدى جىل بويى اتاپ ءوتۋ جوسپارلانعانىن جەتكىزدى. «جىل اياسىندا كوپتەگەن يگى شارالار وتكىزىلەدى, ال بۇگىن سونىڭ بىرىنە جينالىپ وتىرمىز. وسى شارالاردىڭ وتۋىنە قولداۋ بىلدىرگەن اقپارات جانە قوعامدىق دامۋ مينيسترلىگىنە العىس ايتامىز. قازاقتا «اتادان مال قالعانشا, تال قالسىن» دەپ ايتادى عوي. وسى ورايدا كىشىگىرىم اللەيادا اعاش وتىرعىزباقپىز. بۇل ءبىزدىڭ قازاق ءباسپاسوزىنىڭ دوستىق اللەياسى سياقتى قالادى دەپ ۇمىتتەنەمىن», دەدى ول.
سونىمەن قاتار باسىلىم باسشىسى د. قىدىرالى كوشەت وتىرعىزۋعا ورىن بولگەن ەسىل اۋدانىنىڭ اكىمدىگىنە العىسىن جەتكىزدى.