بۇل ترالى اقوردانىڭ ءباسپاسوز قىزمەتى حابارلادى.
مەملەكەت باسشىسىنىڭ جارلىقتارىمەن:
ەرلان ساپار ۇلى بايجانوۆ قازاقستان رەسپۋبليكاسىنىڭ ۆەتنام سوتسياليستىك رەسپۋبليكاسىنداعى توتەنشە جانە وكىلەتتى ەلشىسى قىزمەتىنە;
ناجمەدين مۇحامەتالى قازاقستان رەسپۋبليكاسىنىڭ ومان سۇلتاندىعىنداعى توتەنشە جانە وكىلەتتى ەلشىسى قىزمەتىنە;
دانيار قابيدوللا ۇلى سارەكەنوۆ قازاقستان رەسپۋبليكاسىنىڭ يندونەزيا رەسپۋبليكاسىنداعى توتەنشە جانە وكىلەتتى ەلشىسى قىزمەتىنە;
جاننا سابيتقىزى سارتباەۆا قازاقستان رەسپۋبليكاسىنىڭ فينليانديا رەسپۋبليكاسىنداعى توتەنشە جانە وكىلەتتى ەلشىسى قىزمەتىنە تاعايىندالدى.
*****
بەكەتجان ماحاتجان ۇلى جۇماحانوۆ قازاقستان رەسپۋبليكاسىنىڭ ۆەتنام سوتسياليستىك رەسپۋبليكاسىنداعى توتەنشە جانە وكىلەتتى ەلشىسى قىزمەتىنەن, قازاقستان رەسپۋبليكاسىنىڭ كامبودجا كورولدىگىندەگى, لاوس حالىق دەموكراتيالىق رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋدان;
ەرجان سەرىك ۇلى مۇقاش قازاقستان رەسپۋبليكاسىنىڭ ومان سۇلتاندىعىنداعى توتەنشە جانە وكىلەتتى ەلشىسى قىزمەتىنەن بوساتىلدى.