اتالمىش كورمەگە قاتىسۋشىلار قاتارىندا سەحەر التىنەر, اسىلى جانەل, نيلگيۋن گەكتاش, پەلين تولەدا سەيحان, ەلەنا دجان سىندى ونەر شەبەرلەرىن توپتاستىرعان. شەبەرلەر قانداي-دا ءبىر ونەر تۋىندىسىن جارىققا شىعارۋ بارىسىندا ءتۇرلى ماتەريال, كولەمدى, لايناتتالعان شىنى, تاس, ءمارمار, قىش, پوليتەر, تۇيمە, كوفە ءدانى, اينا, بيسەر سياقتى ماتەريالداردى پايدالانادى. «Mosaic Almaty» توبىنىڭ سوڭعى ءۇش جىلدا اتقارعان جەمىستى ەڭبەكتەرىنىڭ نەتيجەسىندە ورىندالعان ءبىرسىپىرا شىعارماسى العاش رەت ۇسىنىلعان بولاتىن. تانىمال ونەر جانرى – تۇرك موزايكاسى ءبىزدىڭ زامانىمىزعا دەيىنگى 300 عاسىرلاردان باستاۋ الادى.
كارتينالار مەن ءار الۋان ساندىك بۇيىمدار ەرتەدەن-اق مانەرلىلىگى, كوز جاۋىن الار كوركەمدىگىمەن ساراي, حرام, شىركەۋلەردىڭ ءسان-سالتاناتىن اسقاقتاتتى. التىن عاسىر تۇسىندا بۇل ونەر ريم, ۆيزانتيا يمپەريالارى كولەمىندە كەڭ تانىلىپ ءزاۋلىم عيماراتتاردىڭ ەدەن, توبە, قابىرعالارىن بەزەندىرۋ ءۇشىن قولدانىلدى. مىسالى, قىزعالداقتارمەن بەزەندىرىلگەن ايگىلى قىش كەسىندىلەرىنەن قۇرالعان موزايكا العاش تۇركيادا پايدا بولدى.بايىرعى تۇرك تۇرعىندارى ساندىك بۇيىمدارىندا كوبىنەسە كوكونىس ورنەگىن قولدانعان.بارىنشا تانىمال جانە كونە موزايكا ۇلگىلەرىن گازەنتەپە, حاتاي, (تۇركيا), راۆەننا (يتاليا),باردو (تۋنيس), پارك گۋەل (يسپانيا) جانە يەرۋساليم (يزرايل) ەلدەرىنەن كەزدەستىرۋگە بولادى. قازىرگى ۋاقىتتا الەمنىڭ كوپتەگەن ەلدەرىندە موزايكا ونەرىنە دەگەن قىزىعۋشىلىق ارتىپ كەلەدى, سونىمەن قاتار موزايكالى تەكشە جانە دە باسقا دا ونەر تۋىندىلارىن جەتىلدىرۋ ۇستىندە.ەجەلگى گرەك ءميفىنىڭ ماقامى بويىنشا مونا ليزانىڭ انالوگى رەتىندە تابيعي تاستىڭ وتە مايدا تۇيىرلەرىنەن قۇرالعان, بۇگىندە ۆيزانتيا ونەرىنىڭ ۇلگىسى ءارى تۇركياداعى موزايكا مۋزەيىنىڭ سيمۆولى سانالاتىن بۇكىل الەمگە ايگىلى «تسىگان قىزى» تۋىندىسى موزايكا موزايكا ونەرىنىڭ سيمۆولىنا اينالدى.
سەحەر التىنەردىڭ تۋعان جەرى ستامبۋل قالاسى,ماماندىعى بويىنشا ارحەولوگ ءارى سۋرەتشى. سەحەر «فيليپپ مورريس» كومپانياسىنىڭ قارجى بولىمىندە بىرنەشە جىل قىزمەت اتقاردى. بۇدان كەيىن شىعارماشىلىقپەن, تىكەلەي موزايكا ونەرىمەن اينالىسىپ, يزمير ستۋدياسىندا موزايكا قۇرۋدىڭ قىر-سىرىمەن اينالىستى.يتاليادا موزايكانىڭ ەجەلگى ۆيزانتيالىق تەحنيكالىق تەحنيكاسىن زەرتتەپ,راۆاننادا كوركەم-ونەر سالاسى بويىنشا ءبىلىم الدى. ول ءوز شىعارمالارىندا ۆان گوگ, ميكەلاندجەلو, كليمت, ۆەرمەەر جانە بوتيچەللي سىندى تانىمال سۋرەتشىلەردىڭ شىعارمالارىنا جۇگىنەدى.
بۇگىنگى كۇنى الماتىدا قىزمەت اتقارىپ جۇرگەن توپ جەتەكشىسى سەحەر مەن ونىڭ شاكىرتتەرى (تۇركيادان) شىعارماشىلىعىن جەتىلدىرۋمەن قاتار موزايكا ونەرىنە قىزىعۋشىلاردى تاڭسىق ونەرگە ماشىقتاندىرادى. التىنزەر اشەكەيمەن ايشىقتالعان اسپەتتى ونەر.
ءسىزدى ءوزىنىڭ عاجايىپ كوركىمەن سىر ايتۋعا شاقىرعانداي دەرسىز. التىنزەر ونەر بولىپ توسىنداۋ قالپىمەن تاڭىرقايسىز.
ساپارباي پارمانقۇل,
«Egemen Qazaqstan»