يسلام قارجى ورتالىعىن قۇرۋدىڭ نەگىزىندە يسلامدىق قارجى جانە قازىرگى زامانعى قارجىلىق تەحنولوگيالار سالاسىندا ماماندار دايارلاۋ جونىندەگى باستامالاردى قولعا الۋ كوزدەلگەن. وقۋ باعدارلامالارى يسلامدىق قارجى سالاسىنداعى كوشباسشى حاماد بين حاليفا ۋنيۆەرسيتەتىمەن بىرلەسە ازىرلەنىپ, «استانا» حالىقارالىق قارجى ورتالىعىنىڭ قولداۋىمەن ناقتى سەكتور تالاپتارىنا ساي بەيىمدەلگەن.
ۋنيۆەرسيتەتتەگى قارجى ورتالىعىنىڭ اشىلۋ سالتاناتى ءال-فارابي اتىنداعى قازۇۋ-ءدىڭ رەكتورى, اكادەميك عالىمقايىر مۇتانوۆ پەن حاماد بين حاليفا ۋنيۆەرسيتەتىنىڭ پرەزيدەنتى احماد م.حاسنانىڭ رەسمي تۇردە لەنتا قيۋىنان باستالدى. رەكتور ع.مۇتانوۆ بىرنەشە تاراپتىڭ ىنتىماقتاستىعى ناتيجەسىندە ەسىگىن اشىپ وتىرعان الەۋەتى جوعارى ورتالىق پوستكەڭەستىك دەڭگەيدەگى اۋقىمدى نىسان بولعاندىقتان ەل ومىرىندەگى ايتۋلى وقيعا رەتىندە قابىلداۋعا تولىق نەگىز بار ەكەنىن ەرەكشە اتاپ ءوتتى. اكادەميكتىڭ ايتۋىنشا, ءىرى قارجى ورتالىقتارى تەك ەلىمىزدە عانا ەمەس, الەمنىڭ وزىندە قاداۋ-قاداۋ. الەمدىك رەيتينگتە وڭ ناتيجەسىن كورسەتىپ وتىرعان «استانا» قارجى ورتالىعىنىڭ قارقىندى دامۋىنان كەيىن ونىڭ حالىقارالىق مارتەبەسىن الەمدىك دەڭگەيگە كوتەرۋ ءۇشىن جان-جاقتى قولداۋ قاجەتتىلىگى تۋدى. ۋنيۆەرسيتەتتە اشىلىپ وتىرعان جاڭا ورتالىق ماماندار دايارلاپ, سول قولداۋدى عىلىمي جاعىنان دا, سالالىق باعىتتا دا جەتىلدىرە ءتۇسۋ ءۇشىن جۇمىس ىستەمەك. ون جىل بۇرىن باستالعان ازىرلىك جۇمىستارىنىڭ نەگىزىندە دۇنيەگە كەلگەن ورتالىقتىڭ ستراتەگيالىق ماڭىزى اسا زور. قارجىلىق بيرجا ورتالىعى قىزمەتىن قوسا اتقاراتىن ءىرى ورتالىق قاجەتتى زاماناۋي ساندىق تەحنولوگيالارمەن جان-جاقتى جابدىقتالعان. وسى مۇمكىندىگىنە وراي ءال-فارابي اتىنداعى قازۇۋ يسلامدىق قارجىلاندىرۋ اياسىنداعى ءبىلىمدى ۇلتتىق دەڭگەيدە جانە بۇكىل ورتالىق ازيا ايماعىنا دا مۋلتيپليكاتسيالاۋدى ماقسات ەتىپ وتىر. قازۇۋ نەگىزىندە يسلامدىق قارجى بويىنشا تەوريالىق جانە تاجىريبەلىك قارجىلىق ساۋاتتىلىقتى ارتتىرۋعا, يسلامدىق بانك سەكتورىن جانداندىرۋعا, سونداي-اق يسلامدىق باعالى قاعازدار بيرجاسىنىڭ سۋبەكتىلەر سانىنىڭ وسۋىنە ىقپال ەتەدى. بۇل جەردە عىلىمي جانە قارجىلىق ماسەلەگە بايلانىستى بارلىق ءىس-شارالاردى وتكىزۋ جوسپارلانعان. جيىنعا قاتىسقان قوناقتار قازاقستان ەكونوميكاسى مەن بيزنەسى ءۇشىن قىزمەت ەتەتىن كەلەشەگى كەمەل ورتالىقتىڭ الەمدىك دەڭگەيدە تانىلعان كاتارداعى حاماد بين حاليفا ۋنيۆەرسيتەتىمەن جانە «استانا» قارجى ورتالىعىمەن بىرلەسكەن جۇمىسى ساياسي جاعىنان دا, ەكونوميكالىق تۇرعىدان دا تيىمدىلىگىن تانىتىپ, ۇلكەن ىسكە جول اشاتىنىنا سەنىم ءبىلدىردى.