وبلىستىق توتەنشە جاعدايلار قىزمەتى مەن ورمان شارۋاشىلىعى اۋماقتىق ينسپەكتسياسىنىڭ بەرگەن دەرەكتەرىنە كوز سالساڭىز, ءورتتىڭ الدىن الۋعا, قورعاۋعا دەگەن دايىندىق مۇزداي قاتىپ تۇر. 10 بالدىق كورسەتكىشتىڭ 7,9 پايىزىن قامتيدى. سوعان قاراماستان, قىزىل جالىننىڭ وڭەشىنە ىلىككەن جاسىل ورمان كۇيىك شالىپ, باۋداي ءتۇسىپ جاتىر. ول ازداي زاڭسىز اعاش كەسۋشىلەر دە تىيىلار ەمەس. ءوتكەن جىلى زاڭسىز اعاش كەسۋ بويىنشا 22 وقيعا تىركەلسە, بيىل وسىنداي كەلەڭسىز جاعداي ەكى رەت قايتالانعان. مۇنىڭ ءبىر سەبەبى, قالا تۇرعىندارى ساتىپ الاتىن وتىننىڭ قىمباتتاۋىندا. ياعني, ورمان قاراقشىلارى سۇرانىس بولعاننان كەيىن اعاش ۇرلاپ ساتۋدى كادىمگىدەي كاسىپكە اينالدىرىپ وتىرعانىن نەسىنە جاسىرامىز. قالاعا كەلەتىن سانتاراۋ دالا جولى بار. ونىڭ بارىندە قاپىسىز كۇزەت ۇيىمداستىرۋعا ورمانشىلاردىڭ قاۋقارى جەتە بەرمەيدى. كولىگى تاپشى, كىسىسى كەم.
قالا ىرگەسىندەگى «بۇقپا» ورمان شارۋاشىلىعى اۋماعىندا وتكەن جىلى بەس ءمارتە ورمان ورتەنسە, بيىل قىزىل جالىننىڭ الاپات ءتىلى سۋماڭداپ, ەكى ءمارتە قولدىڭ سالاسىنداي اق قايىڭدار مەن ماڭگى جاسىل قاراعايلاردى, ءالى ءبۇرشىگىن جارا قويماعان تال-تەرەكتى جايپاپ كەتتى. تابيعاتى تامىلجىعان ساندىقتاۋ ولكەسىندە دە ءورت پەن ۇرىدان كەلگەن زالال كوپ. قازىر بۇل وڭىردە وسىنداي وقيعالارعا بايلانىستى تەرگەۋ جۇمىستارى جۇرگىزىلۋدە. قالاي بولعان كۇندە دە وتانىمىزدىڭ ءبىر بايلىعى – ورمانىمىزعا اباي بولايىقشى!
اقمولا وبلىسى