توتەنشە وقيعا «چەرەمۋشكي» شاعىن اۋدانىندا بولدى. توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سايكەس, 12 جولاۋشى اۆتوبۋستان وزدەرى شىققان. قازا بولعاندار مەن زارداپ شەككەندەر جوق. «ءورت سوندىرۋشىلەر كەلگەن ۋاقىتتا - 10:35-تە اۆتوكولىك قۇرالىن تۇگەل جالىن شارپىعان ەدى. ءورت 10:40-تا اۋىزدىقتالىپ, 10:42-دە تولىعىمەن ءسوندىرىلدى. ورتەنگەن جالپى اۋماق 10 شارشى مەتردى قۇرادى. اۆتوبۋس تۇگەل جانىپ كەتتى. ورتكە ەلەكتر سىمدارىنىڭ قىسقا تۇيىقتالۋى سەبەپ بولۋى مۇمكىن», - دەپ اتاپ ءوتتى ءباسپاسوز قىزمەتى.
ەستەرىڭىزگە سالا كەتەيىك, 9 مامىر كۇنى دە پەتروپاۆلدا ەلەكتر سىمدارىنىڭ قىسقا تۇيىقتالۋىنان شاعىن اۆتوبۋس ورتەنىپ كەتكەن بولاتىن. سقو تجد ءباسپاسوز قىزمەتىنىڭ حابارلاۋىنشا, وسى كۇنى «4ا» باعىتى بويىنشا جۇرەتىن اۆتوبۋستان دا ءورت شىققان. ول كەزدە دە ەلەكتر سىمدارىنىڭ قىسقا تۇيىقتالۋى ورتكە سەبەپ بولعان ەدى.