قىمباتتى وتانداستار!
سىزدەردى جەڭىس كۇنىمەن شىن جۇرەكتەن قۇتتىقتايمىن!
بارشامىز ءۇشىن بۇل مەرەكەنىڭ ماڭىزى ەرەكشە.
حالقىمىز ۇلى جەڭىسكە ولشەۋسىز ۇلەس قوستى. وتانداستارىمىز مايدان دالاسىندا ەرلىكپەن شايقاسىپ, ولاردىڭ جارتىسىنان جۋىعى ەلگە قايتىپ ورالمادى. جاۋىنگەرلەرىمىزدىڭ باتىرلىعى مەن قايتپاس قايسارلىعى جەر بەتىندە بەيبىتشىلىك پەن تىنىشتىقتى ساقتاۋعا مۇمكىندىك بەردى.
تىل ەڭبەككەرلەرىنىڭ جانكەشتىلىگىنىڭ ارقاسىندا قازاقستان مايدان دالاسىنا وراسان زور كومەك كورسەتتى. سوعىس جىلدارى ەلىمىزگە جۇزدەگەن زاۋىتتار مەن فابريكالار كوشىرىلدى. مايدانعا مىڭداعان ۆاگون كيىم-كەشەك پەن ازىق-ت ۇلىك جىبەرىلدى.
اعا بۋىننىڭ تەڭدەسسىز ەرلىگىن قۇرمەتتەپ, زۇلمات سوعىستىڭ زارداپتارىن ۇمىتپاۋ – ءبىزدىڭ قاستەرلى بورىشىمىز.
بارلىق ارداگەرلەر مەن تىل ەڭبەككەرلەرىنە زور دەنساۋلىق, ۇزاق عۇمىر تىلەيمىن!
ەلىمىز امان, جۇرتىمىز تىنىش بولسىن!