قۇرمەتتى وتانداستار!
قىمباتتى ارداگەرلەر, ۇلى وتان سوعىسىنىڭ قاتىسۋشىلارى, تىل ەڭبەككەرلەرى!
سىزدەردى قان مايدانداعى وشپەس ەرلىك پەن ولشەۋسىز داڭقتىڭ, تىلداعى ەرەن ەڭبەك پەن اسقان قاھارماندىقتىڭ ۇمىتىلماس ونەگەسى – جەڭىس كۇنىمەن شىن جۇرەكتەن قۇتتىقتايمىز!
بۇل قاسيەتتى دە قاستەرلى مەرەكە بارلىق بۋىندى بىرىكتىرەدى, كەيىنگى ۇرپاق مايدانگەرلەردى ماقتان تۇتادى. جەڭىس ءۇشىن كۇرەسكەن جاۋىنگەرلەردىڭ جاۋجۇرەك باتىرلىعىنا قۇرمەت كورسەتىپ, سوعىستا قۇربان بولعانداردى قايعىرا ەسكە الادى.
ايتۋلى كۇنگە بەل جازباي تەر توككەن حالىقتىڭ بىرلىگى مەن ىنتىماعىنىڭ, ەلى مەن جەرىنىڭ ازاتتىعى ءۇشىن جان پيدا ەتكەن بوزداقتاردىڭ قايسارلىعىنىڭ ارقاسىندا قول جەتتى.
ءبىزدىڭ ورتاق پارىزىمىز بەن مىندەتتىمىز – وسى جەڭىستىڭ قانداي قيىندىقپەن كەلگەنىن ءاردايىم ەستە ساقتاۋ, جاڭا ۇرپاقتى قوعامدىق كەلىسىم مەن جالپىۇلتتىق بىرلىككە قۇرمەتپەن قاراۋعا تاربيەلەۋ.
قىمباتتى قازاقستاندىقتار!
جەڭىس كۇنى قازاقستان تاريحىندا جانە ءاربىر ازاماتتىڭ ەسىندە ماڭگى قالادى. ءبىز ارداگەرلەرىمىزگە زور العىس ايتىپ, شىنايى قۇرمەت پەن قوشەمەت بىلدىرەمىز. سىزدەرگە باسىمىزدى يەمىز جانە زور دەنساۋلىق, ۇزاق عۇمىر تىلەيمىز! ۇيلەرىڭىزدە ارقاشان بەيبىتشىلىك پەن تىنىشتىق ورناسىن!
ءبىزدىڭ ايقىن ماقساتىمىز – ۇلى دالا ەلىنىڭ يگىلىگى ءۇشىن ءومىر ءسۇرىپ, ەڭبەك ەتۋگە دەگەن ىزگى نيەتكە تولى بولسىن!
سىزدەرگە, تۋعاندارىڭىز بەن جاقىندارىڭىزعا قۋانىش, باقىت, اماندىق تىلەيمىز!
داڭقتارىڭىز ارتا بەرسىن, قىمباتتى ارداگەرلەر!
قازاقستان حالقى اسسامبلەياسى