ق. بايىتوۆ 1968 جىلى پاۆلودار وبلىسىندا دۇنيەگە كەلگەن. قاراعاندى پوليتەحنيكالىق ينستيتۋتىن, كوكشەتاۋ ەكونوميكا جانە مەنەدجمەنت ينستيتۋتىن تامامداعان.
1992–1994 جىلدارى «قازالتىن» تكبك بەستوبە كەنىشىندەگى №2 شاحتانىڭ جەر استى تاۋ-كەن ماستەرى بولىپ جۇمىس ىستەگەن. 1994–1995 جىلدارى — «قازالتىن» تكبك بەستوبە كەنىشىندەگى «زاپادنايا» شاحتاسىنىڭ باس ينجەنەرى. 1995–1999 جىلدارى — «قازاقالتىن» اق اقسۋ كەنىشىنىڭ «كاپيتالنايا» شاحتاسىنىڭ باس ينجەنەرى.
1999–2002 جىلدارى — «قامقور» ااق ەكونوميكا جانە قارجى جونىندەگى ديرەكتورى. 2003–2008 جىلدارى تسەنتر كرەديت بانكىنىڭ قۇرىلىمىندا جۇمىس ىستەدى. 2008–2009 جىلدارى — «ءوندىرىس كومپانيا» جشس ەكونوميكا جانە قارجى ديرەكتورىنىڭ ورىنباسارى.
2009 جىلدان باستاپ يندۋستريا مينيسترلىگىندە جۇمىس ىستەيدى. 2009–2010 جىلدارى — مەتاللۋرگيا جانە حيميا ونەركاسىبى باسقارماسىنىڭ باسشىسى, 2010–2011 جىلدارى —تاۋ-كەن ونەركاسىبى باسقارماسىن باسقاردى, 2011–2014 جىلدارى — قر يندۋستريا جانە ساۋدا مينيسترلىگىنىڭ ونەركاسىپ كوميتەتىنىڭ تاۋ-كەن مەتاللۋرگيا ونەركاسىبى باسقارماسىنىڭ باسشىسى.
2014–2019 جىلدارى — قر ينۆەستيتسيالار جانە دامۋ مينيسترلىگىنىڭ يندۋستريالىق دامۋ جانە ونەركاسىپتىك قاۋىپسىزدىك كوميتەتى توراعاسىنىڭ ورىنباسارى. 2019 جىلدىڭ اقپان ايىنان باستاپ قر يندۋستريا جانە ينفراقۇرىلىمدىق دامۋ مينيسترلىگىنىڭ يندۋستريالىق دامۋ جانە ونەركاسىپتىك قاۋىپسىزدىك كوميتەتى توراعاسىنىڭ ورىنباسارى قىزمەتىن اتقاردى.