وسىمەن جەتىنشى رەت ۇيىمداستىرىلعان ايتۋلى دوداعا سايدىڭ تاسىنداي ىرىكتەلگەن 30 بوز كىلەم شەبەرلەرى قاتىسىپ, 90 كەلى جانە ودان جوعارى سالماق دارەجەسى بويىنشا ءوزارا كۇش سىناستى.
اققايىڭ اۋدانىنىڭ ۇكىلەپ قوسقان ءۇمىتى المات قوناقباەۆ قارسىلاسىن تازا جەڭدى.تايىنشالىق رۋستام جۇماەۆ تا ەكىنشى اينالىمعا ەش قيىندىقسىز ءوتتى. ول–تاجىريبەلى بالۋان, كەزىندە «قىزىلجار بارىسى» اتاعىن جەڭىپ العان.
دەسە دە, «كۇش اتاسىن تانىمايدى». بۇل جولى «قىزىلجار ارلاندارى» سپورت كلۋبىنىڭ مۇشەسى, قازاق كۇرەسىنەن الەم چەمپيوناتىنىڭ ەكى دۇركىن چەمپيونى, «قازاقستان بارىسى-2014» رەسپۋبليكالىق ءتۋرنيرىنىڭ التىن بەلبەۋ يەگەرى مۇحيت تۇرسىنوۆتىڭ باعى جاندى. وعان التىن بەلدىك پەن 500 مىڭ تەڭگە كولەمىندە اقشالاي سىيلىقتى ايماق باسشىسى قۇمار اقساقالوۆ تابىستادى.
ەكىنشى ورىنعا پەتروپاۆلدىق ەرنار بەگايداروۆ كوتەرىلىپ, 300 مىڭ تەڭگەنى يەلەندى. ۇزدىك ۇشتىكتى ء ۋاليحانوۆ اۋدانىنىڭ وعلانى التىنبەك اۋساعيتوۆ تۇيىندەدى.
نۇر-سۇلتان قالاسىندا وتەتىن رەسپۋبليكالىق «قازاقستان بارىسى» جارىسىندا وبلىس نامىسىن مۇحيت تۇرسىنوۆ پەن ەرنار بەگايداروۆ قورعايتىن بولادى.
سولتۇستىك قازاقستان وبلىسى