پالاتا سپيكەرى نۇرلان نىعماتۋليننىڭ توراعالىعىمەن وتكەن ءماجىلىستىڭ كەزەكتى جالپى وتىرىسىندا قازاقستان مەن ليتۆا اراسىنداعى باس بوستاندىعىنان ايىرۋعا سوتتالعان ادامداردى جانە مەديتسينالىق سيپاتتاعى ماجبۇرلەۋ شارالارى قولدانىلعان ادامداردى بەرۋ تۋرالى شارتتى راتيفيكاتسيالاۋ تۋرالى زاڭ جوباسىن ماقۇلداندى.
زاڭ جوباسىنىڭ نەگىزگى ماقساتى ۋاعدالاسۋشى مەملەكەتتەردىڭ باس بوستاندىعىنان ايىرۋعا سوتتالعان ادامداردى جانە مەديتسينالىق سيپاتتاعى ماجبۇرلەۋ شارالارى قولدانىلعان ادامداردى بەرۋ سالاسىنداعى ىنتىماقتاستىقتى شارت ەرەجەلەرىنە جانە ۇلتتىق زاڭناماعا سايكەس جۇزەگە اسىرۋدى كوزدەيدى. سونداي-اق, سوتتالعان ادامداردىڭ جانە مەديتسينالىق سيپاتتاعى ماجبۇرلەۋ شارالارى قولدانىلعان ادامداردىڭ ازاماتتىق جاعىنان ءوز قوعامىنا قايتا ينتەگراتسيالانۋىنا ىقپال ەتەتىن بولادى.
وسى كۇنى ءماجىلىس قارجى نارىعىن رەتتەۋ مەن دامىتۋ جانە ميكروقارجىلىق قىزمەت ماسەلەلەرىن, سونىمەن بىرگە, جۇمىلدىرۋ دايىندىعى مەن جۇمىلدىرۋ ماسەلەلەرى بويىنشا تۇزەتۋلەرگە قاتىستى زاڭ جوبالارىن جۇمىسقا قابىلدادى.
جالپى وتىرىس سوڭىندا ءماجىلىس دەپۋتاتتارى ب.سماعۇل, ك. مۇسىرمان, ز.امانجولوۆا, ر.كيم, ن. التاەۆ قۇزىرلى مەملەكەتتىك ورگاندارعا دەپۋتاتتىق ساۋالدار جولدادى.