سىندارلى جانە جىلى وتكەن كەلىسسوزدەر بارىسىندا تاراپتار جوعارى جانە اسا جوعارى دەڭگەيدەگى ساياسي بايلانىستاردىڭ وڭ سەرپىنىنە قاناعاتتانارلىق ءبىلدىردى. 2016-2017 جىلداردا وتكەن ەكى ەلدىڭ پرەزيدەنتتەرى دەڭگەيىندەگى مەملەكەتتىك ساپارلار, سونداي-اق نۇرسۇلتان نازارباەۆ پەن اندجەي دۋدانىڭ 2018 جىلعى قاڭتاردا نيۋ-يوركتە بۇۇ قاۋىپسىزدىك كەڭەسىنىڭ وتىرىسى شەڭبەرىندە كەزدەسۋى سوڭعى جىلداردىڭ نەگىزگى وقيعالارى بولدى. قارىم-قاتىناستاردى دامىتۋ بويىنشا مينيسترلەر دەڭگەيىندە ساپارلارمەن الماسۋدى وتكىزۋ, سونداي-اق سىرتقى ىستەر مينيسترلىكتەرى اراسىندا ەكىجاقتى ساياسي جانە كونسۋلدىق كونسۋلتاتسيالاردى وتكىزۋ جوسپارلاندى
كەزدەسۋ بارىسىندا باسىم نازار ساۋدا-ەكونوميكالىق سەرىكتەستىككە اۋدارىلدى. نۇر-سۇلتاننىڭ ۆارشاۆاعا دەگەن قىزىعۋشىلىعى تۇسىنىكتى – 2018 جىلى پولشا الەمنىڭ ەڭ ءىرى ەكونوميكالارى رەيتينگىندە 22-ءشى ورىنعا يە بولدى, ال ەۋروپالىق وداق اۋقىمىندا بۇل ەل 7-ءشى ورىن الدى.
2018 جىلى 1,2 ميلليارد اقش دوللارىن قۇراعان جانە وسى جىلدىڭ باسقى ايلارىندا قارقىندى ەكى ەسەلەپ ءوسىپ كەلە جاتقان ەكىجاقتى تاۋار اينالىمى اتاپ ءوتىلدى. پولياكتاردىڭ ورتالىق ازيا ەلدەرىمەن تاۋار اينالىمىنىڭ 80 پايىزى قازاقستانمەن جۇگىزىلەدى; تىكەلەي ينۆەستيتسيالارى 230 ميلليون دوللاردان اساتىن قر-دا پولياك كاپياتالىنىڭ قاتىسۋىمەن 200-دەن اسا كاسىپورىندار جۇمىس جاسايدى. اۋىل شارۋاشىلىعى, ماشينا جاساۋ, تابيعي رەسۋرستاردى بىرلەسىپ وڭدەۋ, اسكەري-ءوندىرىس كەشەنى, تۋريزم, وزىق تەحنولوگيالار, «استانا» حالىقارالىق قارجى ورتالىعى الاڭىنداعى ءىس-قيمىلدار ىنتىماقتاستىقتىڭ پەرسپەكتيۆالىق باعىتتارى رەتىندە كورسەتىلدى.
«بەلدەۋ جانە جول» باستاماسىن ىسكە اسىرۋ تۇرعىسىنان قازاقستان مەن پولشانىڭ ەۋرازيالىق كونتينەنتتىڭ باتىسى مەن شىعىسى اراسىنداعى ماگيسترالدىق جولداردا ءتيىمدى ورنالاسقانىن ەسكەرە وتىرىپ, تۇراقتى ءارى باسەكەگە جارامدى كولىك-لوگيستيكالىق جوبالاردى ەنگىزۋ بويىنشا بىرلەسكەن جۇمىستاردى جالعاستىرۋدىڭ ماڭىزى اتاپ ءوتىلدى. ازيادان ەۋروپاعا ترانزيتتىك جۇكتەردى تاسۋ ءۇشىن ماڭىزدى حاب رەتىندە قازىرگى كەزەڭدە جاڭارتىلعان گدانسك ايلاعىن بالتىق تەڭىزىندە ءتيىمدى پايدالانۋ باستى باعىتتاردىڭ ءبىرى رەتىندە اتالىپ ءوتىلدى. سونىمەن قاتار, ترانزيت-كولىكتىك ىنتىماقتاستىعى باعىتىندا 2017 جىلعى مامىردان باستاپ LOT Polish Airlines اۋە كومپانياسىمەن ورىندالاتىن ۆارشاۆا مەن نۇر-سۇلتان اراسىنداعى تىكەلەي اۋە رەيسىنىڭ, قازىرگى كەزدە اپتاسىنا ءتورت رەت, وڭ مۋلتيپليكاتيۆتىك اسەرى نازارعا الىندى.
ينۆەستيتسيالىق ىنتىماقتاستىقتىڭ تابىستى جوباسى رەتىندە Polpharma پولياك كومپانياسى كورسەتىلدى, ول قازاقستان-پولشا بىرلەسكەن كاسىپورىندارى اراسىنداعى رەيتىنگتىڭ باسىندا ورىن الۋدا. تيىمدىلىكتى ارتتىرۋ ماقساتىندا «قازاقستان-پولشا» ىسكەرلىك كەڭەسىن قۇرۋ جانە ەاەو, ەو, قحر جانە ورتالىق ازيا نارىقتارىنا شىعارۋ الەۋەتى بار قازاقستاندىق جانە پولياك ەكسپورتتىق تاۋارلارىنىڭ بىرلەسكەن كاتالوگىن جاساۋ تۋرالى شەشىم قابىلداندى.
سونىمەن قاتار, ب. اتامقۇلوۆ قازاقستان ۇكىمەتىنىڭ ۇلتتىق ەكونوميكانى ءارتاراپتاندىرۋ شارالارى جانە مەملەكەتتىك سىڭايلى سەكتورلاردى جەكەشەلەندىرۋ باعدارلامالارى تۋرالى, سونداي-اق ينۆەستيتسيالاردى تارتۋ جانە شەت ەلدەرگە قازاقستاندىق ەكسپورتتاردى جىلجىتۋ بويىنشا ءسىم-ءنىڭ جاڭا باعىتتارىممەن تانىستىردى.
مادەني-گۋمانيتارلىق بايلانىستارعا ماڭىزدى نازار اۋدارىلدى. ەلدەرىمىز اراسىندا «جاندى دوستىق كوپىرى» سانالاتىن 34-مىڭدىق پولياك دياسپوراسى مەن پولشادا ءبىلىم الاتىن مىڭعا جۋىق قازاقستاندىق ستۋدەنتتەردىڭ الەۋەتىن پايدالانۋ قاجەتتىلىگى ايتىلدى. ەلباسىنىڭ «رۋحاني جاڭعىرۋ» باعدارلاماسىنىڭ اياسىندا ەكى ەلدىڭ كوركەم ادەبيەت مۇرالارىنىڭ كورنەكتى تۋىندىلارىن قازاق جانە پولياك تىلدەرىنە اۋدارۋ جونىندە ۇسىنىستار جاسالدى.
حالىقارالىق كۇن ءتارتىبى تۇرعىسىنان قازاقستان مەن پولشا اراسىنداعى ءىس-قيمىلدىڭ دامۋشى ماڭىزى اتاپ ءوتىلدى.
«قازاقستان-پولياك قارىم-قاتىناستارى ءوزارا قۇرمەت پەن ءبىر-ءبىرىنىڭ مۇددەسىن ەسەپكە الۋ نەگىزىندە قالىپتاسقان جانە كەز كەلگەن ءۇشىنشى تاراپتىڭ مۇددەسىنە قارسى باعىتتالماعان, ورتالىق ازيادان ورتالىق ەۋروپاعا دەيىنگى كەڭىستىكتە گەوساياسي جانە گەوەكونوميكالىق ساۋلەتتى قۇرۋداعى ماڭىزدى جالعاس بولا الاتىن وزىندىك كەلبەتى بار ەلدەر», - دەپ اتاپ ءوتتى قازاقستاندىق مينيستر باق الدىنداعى بىرلەكەن ءباسپاسوز بريفينگىندە. سونداي-اق ب.اتامقۇلوۆ 2018-2019 جىلدارى پولشانىڭ بۇۇ قاۋىپسىزدىك كەڭەسىندەگى تۇراقسىز مۇشەلىگىنىڭ ەكىنشى جىلىنىڭ باسىمدىلىقتارىن وڭ باعالاي وتىرىپ, ۆارشاۆانىڭ الەمدىك ساياساتتاعى رولىنە نازار اۋداردى. ءوز كەزەگىندە, پولشانىڭ سىرتقى ىستەر ءمينيسترى 2017-2018 جىلدارى بۇۇ قاۋىپسىزدىك كەڭەسىنىڭ تۇراقسىز مۇشەسى رەتىندە قازاقستاننىڭ جاھاندىق جانە وڭىرلىك قاۋىپسىزدىكتى نىعايتۋداعى تابىستارىن اتاپ ءوتتى.
سونىمەن قاتار, ورتالىق ازيا بويىنشا ەو ستراتەگياسىنىڭ جاڭارتۋ تۇرعىسىنان «قر-ەو» جانە «وا-ەو» فورماتتارى ىنتىماقتاستىعىنىڭ پەرسپەكتيۆالارى بويىنشا پىكىر الماستى. ءبىلىم سالاسىنداعى ىنتىماقتاستىقتىڭ ۇيلەستىرۋشىلەرى رەتىندە پولشا مەن لاتۆيا ەو-نىڭ قازىرگى ورتالىق ازيا بويىنشا ستراتەگياسىنىڭ ىسكە اسۋىندا باستى ءرول اتقارادى.
ب. اتامقۇلوۆ پەن يا. ءچاپۋتوۆچيتىڭ باعالاۋى بويىنشا, ۆارشاۆادا وتكەن كەلىسسسوزدەر ەكىجاقتى ءوزارا ءىس-قيمىلداردى دامىتۋداعى ماڭىزدى ءىس بولدى, سونىمەن قاتار بايلانىستاردىڭ بارلىق سالالارىندا تىڭ باستامالاردى تۋدىرۋعا مۇمكىندىك بەردى.
قر سىرتقى ىستەر ءمينيسترىنىڭ جۇمىس ساپارى ەكى ەلدەگى ىشكى وقيعالاردىڭ ماڭىزدى جاعدايىندا ءوتتى. قازاقستاندا ءۇ.ج. 9 ماۋسىمدا پرەزيدەنتىك سايلاۋ وتەدى, ال پولشادا – 26 مامىردا ەۋروپالىق پارلامەنتكە جانە قازاندا ۇلتتىق پارلامەنتكە سايلاۋلار وتەدى.