مەملەكەتتىك كىرىستەر كوميتەتىنىڭ دەرەكتەرىنە سۇيەنسەك, 2019 جىلدىڭ سوڭىنا دەيىن قازاقستاندىق كاسىپكەرلەر فيكساتسيالاۋ جانە مالىمەتتەردى جولداۋ قىزمەتى بار باقىلاۋ-كاسسالىق ماشيناسىنا (بكم) كوشۋى ءتيىس. قىسقاشا ايتقاندا, بۇل - ونلاين بكم. كاسسانىڭ جاڭا تۇرىنە كوشۋ ءتارتىبى «بيۋدجەتكە تۇسەتىن سالىقتار جانە وزگە دە مىندەتتى تولەمدەر تۋرالى» قر كودەكسىمەن رەتتەلىپ, قارجى ءمينيسترىنىڭ بۇيرىعىمەن بەكىتىلگەن.
«دەمەك, ەلىمىزدەگى بارلىق كاسىپكەرلەر وسى ءتارتىپ بويىنشا جاڭا قىزمەتى بار كاسسالىق اپپاراتپەن تولەم قابىلداۋى كەرەك. بولماعان جاعدايدا ءوزىنىڭ ەسكى اپپاراتىنىڭ باعدارلامالىق جۇيەسىن وزگەرتۋى ءتيىس. مەملەكەتتىك كىرىستەر كوميتەتىنىڭ مالىمەتىنشە, 2019 جىلدىڭ 1 مامىرىنا دەيىن مالىمەتتەردى جولداۋ قىزمەتى جوق 255 191 بكم تىركەلگەن. ونىڭ باسىم بولىگى, اتاپ ايتقاندا 181 566 اپپارتتىڭ نەمەسە 71,1 پايىزىنىڭ ونلاين بكم رەتىندە باعدارلامالىق جۇيەسىن جاڭارتۋعا بولادى», - دەپ حابارلايدى مەملەكەتتىك كىرىستەر كوميتەتى. تەلەكوممۋنيكاتسياسى جوق ورىنداردا كاسسالىق اپپاراتتاردى ونلاين-بكم رەتىندە جاڭارتۋدىڭ قاجەتى جوق. ەلىمىزدە ونداي كاسسالاردىڭ سانى - 12 مىڭ (جالپى كاسسالاردىڭ 4,7 پايىزى). «جويۋعا نەمەسە تەلەكوممۋنيكاتسيا جەلىسى جوق ورىنداردا قولدانۋعا بولاتىن كاسسالاردىڭ سانى - 32 110 نەمەسە 12,6 پايىز. ونلاين تۇردەگى بكم-ءدى قولدانا ءبىلۋ - كولەڭكەلى ەكونوميكا قۇرالدارىن قىسقارتۋعا, سالىقتىق اكىمشىلىكتى جاقسارتۋعا, سالىقتىق تەكسەرىستەردى ازايتىپ, مەملەكەتتىك اۆتوماتتاندىرۋ قىزمەتىن جاقسارتۋعا مۇمكىندىك بەرەدى. سونىمەن قاتار, ونلاين تۇردەگى كاسسالاردى قولدانۋ بويىنشا كاسىپكەرلەردى جىگەرلەندىرۋ ءۇشىن سالىق كودەكسىندە سالىقتى 60 مىڭ تەڭگەگە دەيىن ازايتۋ جەڭىلدىكتەرى بار», - دەلىنگەن حابارلامادا.