56 جەرلەسىمىز كەڭەس وداعىنىڭ باتىرى اتاعىن يەلەنسە, 11 جەرلەسىمىز «داڭق» وردەنىنىڭ تولىق يەگەرى اتانعان. بىلتىر 130 سوعىس ارداگەرىنە قۇرمەت كورسەتىلسە, بيىل ولاردىڭ قاتارى 82-گە دەيىن كەمىگەن.مايدانگەرلەردىڭ ەڭ جاسى 93-تە.
وبلىستىق ارداگەرلەر كەڭەسىنىڭ توراعاسى ەسكەندىر ەلەۋسىزوۆتىڭ ايتۋىنشا, جەڭىس كۇنى قارساڭىندا سوعىس ارداگەرلەرىنىڭ ارقايسىسىنا 250 مىڭ تەڭگە كولەمىندە سىياقى بەرىلەدى.
«سوعىس ارداگەرلەرىنە تەڭەستىرىلگەندەرگە 5 اەك مولشەرىندە بىررەتتىك سىياقى بەرىلەدى. بۇدان باسقا, اي سايىن ولارعا 40 مىڭ تەڭگە تولەنەدى. ءتىس پروتەزىن سالۋ, شيپاجايلاردا ەم-دوم الۋ تەگىن. مەرەكە قارساڭىندا تمد ەلدەرى بويىنشا ءبىر باعىتقا تەگىن جول جۇرە الادى», دەيدى ەسكەندىر ەسماق ۇلى.
مۇنداي قوشەمەتتەن مەكەمە-ۇيىمدارعا بەكىتىلىپ بەرىلگەن تىل ەڭبەككەرلەرى دە شەت قالمايدى.