بۇل جوبالاردىڭ بارلىعى دەمەۋشىلىك جانە قايىرىمدىلىق باعدارلاماسى شەڭبەرىندە جۇزەگە اسىرىلدى. اتالعان باعدارلاما ەكونوميكالىق تۇراقتىلىقتى دامىتۋعا جانە دەنساۋلىق ساقتاۋ جانە ءبىلىم بەرۋ سالالارىنا, سپورت پەن مادەنيەتتى دامىتۋعا, مادەني مۇرانى ساقتاۋعا ۇلەس قوسۋ, سونداي-اق حالىقتىڭ الەۋمەتتىك جاعىنان وسال توپتارىنا كومەك كورسەتۋ ارقىلى الەۋمەتتىك جاعدايدى جاقسارتۋعا باعىتتالعان.
دەمەۋشىلىك جانە قايىرىمدىلىق باعدارلاماسى شەڭبەرىندە جۇزەگە اسىرىلعان جوبالار كونسورتسيۋمنىڭ كورپوراتيۆتىك جانە الەۋمەتتىك مىندەتتەمەلەرى جۇيەسىنىڭ باستى بولىگى بولىپ تابىلادى.
-2018 جىلى جۇزەگە اسىرىلعان جوبالار وبلىستىڭ بالالاردى تاربيەلەۋمەن جانە ولارعا ءبىلىم بەرۋمەن اينالىساتىن مەكەمەلەرىنە كومەك پەن قولداۋ كورسەتۋ ارقىلى جەرگىلىكتى حالىقتىڭ, اتاپ ايتقاندا وسكەلەڭ ۇرپاقتىڭ يگىلىگىنە باعىتتالعانى ەرەكشە قۋانتادى. وسىنداي جوبالاردىڭ ارقاسىندا ءبىزدىڭ كونسورتسيۋم اتىراۋ وبلىسىن دامىتۋ ىسىنە ءوزىنىڭ كەزەكتى ۇلەسىن قوساتىنىنا سەنەمىن. NCOC ءوز قىزمەتىن جۇرگىزەتىن وڭىرلەردەگى جەرگىلىكتى حالىققا قولداۋ كورسەتۋگە قاتىستى مىندەتتەمەلەرىن ورىنداۋدى ارمەن قاراي دا جالعاستىرۋعا نيەتتى ەكەنىن اتاپ وتسەم دەيمىن. بۇگىن تاپسىرىلىپ وتىرعان جوبالار وسى سوزدەرىمنىڭ دالەلى بولىپ تابىلادى, دەدى جوبالاردىڭ تۇساۋكەسەرى كەزىندە NCOC كومپانياسىنىڭ سىرتقى بايلانىس جونىندەگى مەنەدجەرى جاعىپار ەگىزباەۆ.
2018 جىلى بارلىعى 30 دەمەۋشىلىك جانە قايىرىمدىلىق جوباسى جۇزەگە اسىرىلعان ەدى, سونىڭ ىشىندە ماڭعىستاۋ وبلىستىق اۋرۋحانالارىنا مەديتسينالىق جابدىقتاردىڭ ساتىپ الىنعانىن ەرەكشە ايتىپ وتۋگە بولادى. اتالعان مەكەمەلەر ءۇشىن Clinitron كۇيىككە قارسى سوڭعى ۇلگىدەگى كەرەۋەتىنە ارنالعان قوسىمشا جابدىقتار, ەلەكتر حيرۋرگيالىق گەنەراتور, كەرەۋەت جانىنا قويىلاتىن مونيتورلار, تۇپقاراعان اۋداندىق ورتالىق اۋرۋحاناسى ءۇشىن رەانيموبيل جانە كوپتەگەن وزگە دە قۇرىلعىلار ساتىپ الىندى. سونىڭ ارقاسىندا ماڭعىستاۋ وبلىسىنىڭ جۇزدەگەن تۇرعىندارى ۋاقتىلى جانە ناتيجەلى ەم الۋ مۇمكىندىگىنە يە بولدى.
پرەزەنتاتسيا بارىسىندا NCOC كومپانياسىنىڭ وكىلدەرى اتاپ وتكەندەي, كومپانيا مەن ونىڭ قىزمەتكەرلەرى دەمەۋشىلىك كومەك كورسەتۋ, قايىرىمدىلىقپەن اينالىسۋ, ەرىكتى تۇردە ءتۇرلى ىستەر اتقارۋ جانە مەرەكەلىك شارالارعا قاتىسۋ ارقىلى حالىقتىڭ ءومىر ءسۇرۋ دەڭگەيىن جاقسارتۋعا بەلسەنە ۇلەس قوسۋدا. 2018 جىلى اتىراۋ جانە ماڭعىستاۋ وبلىستارىندا دەمەۋشىلىك جانە قايىرىمدىلىق باعىتىندا جالپى قۇنى شامامەن 1,9 ملن اقش دوللارى بولاتىن 64 جوبا جۇزەگە اسىرىلدى. 1998 – 2018 جىلدار ارالىعىندا وسى ماقساتتا بارلىعى 19 ملن اقش دوللارى جۇمسالدى.
وسى جۇمىستار مەملەكەتتىك دەڭگەيدە باعالاندى. NCOC رەسپۋبليكالىق «پارىز» جىل سايىنعى كونكۋرسىندا «جىلدىڭ ۇزدىك الەۋمەتتىك جاۋاپتى كاسىپورنى» نوميناتسياسى بويىنشا باس جۇلدەگە يە بولدى. بۇل ماراپات الەۋمەتتىك جانە ينفراقۇرىلىمدىق جوبالار مەن دەمەۋشىلىك جانە قايىرىمدىلىق باعدارلاماسىنىڭ ءساتتى جۇزەگە اسىرىلۋىنىڭ ايعاعى دەسە دە بولادى.
بۇل رەتتە 2018 جىلى NCOC كومپانياسىنىڭ 2013-2015 جىلدار ارالىعىندا جۇزەگە اسىرىلعان دەمەۋشىلىك جانە قايرىمدىلىق جوبالارىنا مونيتورينگ وتكىزگەنىن ايتىپ وتكەن ءجون. مونيتورينگىنىڭ باستى ماقساتى – جوبالاردىڭ جەرگىلىكتى جۇرتشىلىققا اسەرىن باعالاۋ جانە ولاردىڭ تيىمدىلىك دارەجەسىن انىقتاۋ. مونيتورينگ اتىراۋ وبلىسىنداعى 66 جوبا جانە ماڭعىستاۋ وبلىسىنداعى 73 جوبا بويىنشا جۇرگىزىلدى. مونيتورينگ ناتيجەسى بويىنشا ەكى وڭىردەگى بەنەفيتسيارلاردىڭ 97 پايىزى كومپانيا كورسەتكەن كومەكتىڭ ءوز جۇمىستارىنىڭ جاقسارۋىنا ەلەۋلى ۇلەس قوسقانىن مالىمدەدى.