«انادولى تۇركيادان اتاجۇرتقا جۇرەكجاردى سالەمىن الا كەلدىم. قازىرگى ۋاقىتتا تۇركيادا 30 مىڭداي قازاق بار. بىراق, مەنىڭ ويىمشا, 30 مىڭ ەمەس, تۇركيادا 80 ملن قازاق بار. ولاردىڭ جۇرەگى سىزدەرمەن بىرگە ماڭگى سوعادى» دەدى كۇرشاد زورلۋ.
مەن قازاق ەلى تۋرالى ەڭ العاشقى زەرتتەۋ ماقالامدى 1999 جىلى جازدىم. ساياساتتانۋشى عالىم رەتىندە قازاقستاننىڭ تۇڭعىش پرەزيدەنتىنىڭ ەڭبەكتەرىن 20 جىلدان بەرى زەرتتەپ كەلەمىن. ەلباسىنىڭ «رۋحاني جاڭعىرۋ» ماقالاسى تەك قازاق حالقى ءۇشىن ەمەس, تۇرىك حالقى ءۇشىن دە بولاشاققا جول كورسەتەتىن ايقىن باعدارلاما دەپ ايتار ەدىم. تۇركسوي مەن تۇركپا سىندا تۇركى الەمى ءۇشىن ماڭىزدى ۇيىمداردى قۇرۋعا قوسقان ۇلەسىڭىز بۇگىنگى كۇنى جاقسى ناتيجەسىن كورسەتىپ, كۇللى تۇركى الەمى ءۇشىن پايداسىن اكەلىپ جاتىر», دەدى ول.
«قۇرمەتتى نۇرسۇلتان ءابىش ۇلى 2 جىل بۇرىن الەۋمەتتىك جەلى قولدانۋشىلارى اراسىندا ساۋالناما جۇرگىزىلدى. قاتىسقاندار ءبىراۋىزدان ءسىزدى تۇركى الەمىنىڭ ەڭ كورنەكتى جانە تانىمال تۇلعاسى دەپ تانىدى. حالىقارالىق ساياساتتاعى بيىك بەدەلىڭىز ءۇشىن تۇرىك جۇرتى ءسىزدى تۇركى الەمىنىڭ بەدەلدى كوشباسشىسى دەپ ەرەكشە قۇرمەتتەيدى, ءسىزدى بۇگىننىڭ بىلگە قاعانى دەپ بىلەدى», دەدى كۋرشاد زورلۋ.