جاستاردى كاسىپكەرلىككە باۋلىپ, تىڭ يدەيالاردى ىزدەگەن سايىستا «ءىت», «عىلىم جانە تەحنولوگيا», «الەۋمەتتىك جوبالار», «تۋريزم», «اگروبيزنەس» باعىتتارى بويىنشا ىرىكتەۋ كەزەڭىنەن وتكەن 25-جوبا ءوز جوبالارىن قورعاعان ەدى.
كاسىپكەرلەردەن قۇرالعان قازىلار القاسىنىڭ الدىندا قاتىسۋشىلار ءوز جوبالارىن 7 مينۋت ىشىندە تانىستىرىپ شىقتى. كونكۋرستىق كوميسسيا شەشىمىمەن «IT» باعىتىنداعى ۇزدىك جوبا دەپ روديون يگناتوۆ پەن ايجۇلدىز ناديرحانوۆانىڭ «UARStuding» ستارتاپى تانىلسا, «عىلىم مەن تەحنولوگيا» باعىتىندا نۇربەرگەن ناۋرىزباەۆتىڭ «پلاستيك قالدىقتارىن وڭدەۋ ارقىلى مۇناي مەن جانارماي كوزىن الۋ» بيزنەس-جوباسى 350 مىڭ تەڭگەگە يە بولدى. «الەۋمەتتىك جوبالار» باعىتىنىڭ ۇزدىگى سۇيەرقۇل نۇرمۇحاممەد, مۋحامەدزيانوۆ ماديار, جۇماعالين بەكزاتتىڭ «Z Generation – The New Way To The Future» بولدى. «تۋريزم» باعىتىنداعى ۇزدىك جوبا دانا ەسبەرگەنوۆانىڭ «گورودسكوە ۆودنو-بولوتنوە ۋگودە كاك مودەل ەكوسيستەمى, ۋستويچيۆوي ك انتروپوگەننومۋ ۆوزدەيستۆيۋ (نا پريمەرە وزەرا كاراكول)» يدەياسى, «اگروبيزنەستە» شاش پەن تىرناقتان تىڭايتقىش جاساۋدى ۇسىنعان بايداۋلەت ازامات جەڭدى.
- «Caspian Startup-2019» سايىسىنىڭ وتكىزىلۋ فورماتى مەن يدەياسى قاتتى ۇنادى. مەن جوبامدى كاسىپكەرلەر الدىندا تانىستىرىپ, باستاماما سەندىرۋدىڭ قۇپيالارىمەن, بيزنەس-جوسپار جاساۋدى ۇيرەندىم. جەڭىستەن العان قاراجاتىمدى دەپوزيتكە سالىپ, بولاشاقتا جوعارى وقۋ ورنىنا تۇسكەندە قاجەتىمە جاراتۋدى جوسپارلاپ وتىرمىن, دەيدى «اگروبيزنەس» نوميناتسياسىنىڭ جەڭىمپازى ازامات بايداۋلەت.
ستارتاپ جوبالار بايقاۋىنىڭ جەڭىمپازدارىنا قارجىلاي سىيلىقتى «MKS Logistics» جشس, «Mediana» ءىت-كومپانياسى, «EXPO&WOMEN», «ەۆروۆوياج» تۋر اگەنتتىگى, «تەتيس» جشس بەرەدى. ال ماڭعىستاۋ وبلىستىق ءبىلىم باسقارماسى, «Mangystau» تەلەارناسى, «اتامەكەن» كاسىپكەرلەر پالاتاسىنىڭ, ماڭعىستاۋ وبلىستىق فيليالى بايقاۋ سەرىكتەستەرى.
-بايقاۋ ءۇش كەزەڭنەن تۇردى. قاتىسۋشى ەڭ الدىمەن جوبانىڭ ماڭىزدىلىعى, سۇرانىسى, تيىمدىلىگى تۋرالى پرەزەنتاتسيا دايىنداپ, سايتىمىزعا تىركەلدى. سونان سوڭ بايقاۋدىڭ قازىلار القاسى كەلگەن جوبالاردىڭ ىشىنەن ەڭ ۇزدىك 25 جوبانى تاڭداپ, اقتىق كەزەڭگە جولدادى. ىرىكتەۋدەن وتكەن قاتىسۋشىلار كەلەسى كەزەڭدە بيزنەس-جوبالارىن كاسىپكەرلەر مەن قازىلار القاسىنىڭ الدىندا قورعادى, دەيدى زياتكەرلىك مەكتەپتىڭ ءباسپاسوز قىزمەتىنەن ىرىسگۇل ماتجانقىزى.
بيىل ەكىنشى رەت ۇيىمداستىرىلعان بيزنەس-يدەيالار سايىسىنا 195 جوبادان ءوتىنىش كەلىپ ءتۇستى, ونىڭ 172-ءى جارىسقا قاتىستى. قاتىسۋشىلار «الەۋمەتتىك جوبالار» نوميناتسياسىندا بەلسەندىلىك كورسەتتى. 54 جوبانىڭ ىشىنەن بەس جوبا عانا ىرىكتەلىپ الىندى. ال «اگروبيزنەس» نوميناتسياسىنا 42, «تۋريزمگە» - 35, «عىلىم جانە تەحنولوگياعا» 42 ءوتىنىش كەلدى. ال «ءىت» نوميناتسياسىنا 20 جوبا قاتىستى.
سونىمەن قاتار, جارىس قاتىسۋشىلارىنىڭ كاسىپكەرلىككە ىنتاسىن ارتتىرۋ ماقساتىندا «اتامەكەن» كاسىپكەرلەر پالاتاسىنىڭ كاسىبي بيزنەس ترەنەرى رايحان بەكبەرگەن مەن Yessenov ۋنيۆەرسيتەتى جانىنداعى كاسپي كاسىپكەرلىك ورتالىعىنىڭ جەتەكشىسى گۇلزيرا قوسماعانبەتوۆا ارنايى شەبەرلىك ساعاتىن وتكىزىلدى.