سەسسيادا ءسوز العان تۇڭعىش پرەزيدەنت, قازاقستان حالقى اسسامبلەياسىنىڭ توراعاسى نۇرسۇلتان نازارباەۆ بەيبىتشىلىك پەن كەلىسىم سارايىنا جينالعانداردى سەسسياسىنىڭ اشىلۋىمەن قۇتتىقتادى.
«اسسامبلەيا قۇرىلعان كۇننەن باستاپ ەلىمىزدەگى مىزعىماس بىرلىكتىڭ ۇيىتقىسى, سارقىلماس بەرەكەنىڭ باستاۋى بولىپ كەلەدى. كوپ ەتنوستى ەلىمىزدىڭ باسىن بىرىكتىرەتىن, ارقايسىسىنىڭ پىكىرىن تىڭدايتىن ۇلكەن مىنبە بولىپ سانالادى. بۇگىندە قۇرىلىم ەلىمىزدەگى تاتۋلىق پەن تۇراقتىلىقتىڭ ەڭ باستى كەپىلى بولىپ وتىر», دەدى ەلباسى.
سەسسيا سوڭىندا «تۋعان جەرگە تاعزىم» اتتى سالتاناتتى كونتسەرت وتپەك. وندا قازاقستاندىق جاس انشىلەر ەرجان ماكسيم مەن دانەليا تولەشوۆا ونەر كورسەتەدى. كونتسەرت سالتانات» مەملەكەتتىك بي ءانسامبلى, «رۋحسارا» بي ءانسامبلى سوليستەرى, ق. قوجامياروۆ اتىنداعى مەملەكەتتىك رەسپۋبليكالىق اكادەميالىق ۇيعىر مۋزىكالىق كومەديا تەاترى, مەملەكەتتىك رەسپۋبليكالىق اكادەميالىق كورەي مۋزىكالىق كومەديا تەاترى, «ناز» مەملەكەتتىك بي تەاترى, «ماڭگىلىك» بي تەاترى جانە شەشەن-ينگۋش ەتنومادەني بىرلەستىگىنىڭ «ۆايناح» انسامبلدەرىنىڭ بىرلەسكەن «قازاقستان - ءبىزدىڭ ورتاق ءۇيىمىز» حورەوگرافيالىق كومپوزيتسياسىمەن باستالادى دەپ كۇتىلىپ وتىر.