«ەۋرازيالىق بانكتىڭ فيليالدار جەلىسى ەلىمىزدىڭ بارلىق وڭىرلەرىندە ورنالاسقان. بۇل بىزگە «وردا» يپوتەكاسى بويىنشا تۇرعىن ءۇي ساتىپ الۋعا مۇددەلى كليەنتتەرگە قىزمەت كورسەتەتىن ەكىنشى دەڭگەيدەگى بانكتەردىڭ بولىمشەلەر سانىن كەڭەيتۋگە مۇمكىندىك بەرەدى, – دەيدى باسقارما توراعاسىنىڭ ءورىنباسارى ماجيت ءجۇسىپوۆ.
2019 جىلدا سۇرانىستىڭ ارتۋى «وردا» ءونىمىنىڭ وزەكتىلىگىن بىلدىرەدى. باعدارلاما باستالعاننان بەرى 2019 جىلدىڭ ساۋىرىندەگى كورسەتكىش بويىنشا قيك-كە جالپى سوماسى 4.2 ملرد تەڭگەگە 355 ءوتىنىم كەلىپ تۇسكەن. ونىڭ ىشىندە 263 ءوتىنىم ماقۇلدانىپ, قارىز الۋشىلار جالپى سوماسى شامامەن 3,3 ملرد تەڭگە بولاتىن قارىز العان.
«وردا» يپوتەكالىق ءونىمى قازاقستاننىڭ بارلىق ازاماتتارىنا مەنشىگىندە باسقا تۇرعىن ءۇيدىڭ بولۋىنا قاراماستان, باستاپقى جانە قايتالاما تۇرعىن ءۇي نارىعىنان جىلجىمايتىن م ۇلىك ساتىپ الۋعا مۇمكىندىك بەرەدى. تولەمگە قابىلەتتىلىك تولىق راستالعان جاعدايدا قارىز الۋشىلار ءۇشىن يپوتەكالىق قارىز بويىنشا مولشەرلەمە جىلدىق 12%-دى قۇرايدى. سونداي-اق باستاپقى جارنانى قوسىمشا كەپىلگە - قارىز الۋشىنىڭ نەمەسە ءۇشىنشى تۇلعالاردىڭ جىلجىمايتىن مۇلكىنە اۋىستىرۋعا مۇمكىندىك بار.