شىمكەنتتە 12,6 مىڭ گا القاپقا ەگىن ەگىلدى. 2019 جىلدىڭ 1 توقسانىندا اتقارىلعان جۇمىستاردى قورىتىندىلاعان سالا باسشىسى ءۇشىنشى مەگاپوليستە اۋىل شارۋاشىلىعىنداعى نەگىزگى كاپيتالعا سالىنعان ينۆەستيتسيا كولەمى 841 ملن تەڭگەنى قۇراعاندىعىن تىلگە تيەك ەتتى.
«وسى جىلعا بەكىتىلگەن ەگىس قۇرىلىمىنا سايكەس, 24,1 مىڭ گا ەگىس ەگۋ جوسپارلانىپ, بۇگىندە ناقتى ەگىلگەن ەگىس كولەمى 12,6 مىڭ گا القاپقا جەتتى. ونىڭ ىشىندە نەگىزگى داقىلدار: ماساقتى ءداندى داقىلدار - 4,9 مىڭ گا, مايلى داقىلدار - 2,4 مىڭ گا جانە ت.ب. بۇگىندە جالپى سوماسى 25,1 ملرد تەڭگەنى قۇرايتىن 35 جوبانى ىسكە اسىرۋ جوسپارلانۋدا. ونىڭ ىشىندە "قاراپايىم زاتتار ەكونوميكاسى" بويىنشا 12,8 ملرد تەڭگەنى قۇرايتىن اۋىل شارۋاشىلىعىنداعى 23 جوبا بار. جىل باسىنان بەرى قالادا "شاريپوۆ جك" جىلىجاي شارۋاشىلىعى ىسكە قوسىلعان. ينۆەستيتسيانىڭ جالپى سوماسى - 600 ملن تەڭگەنى قۇرادى», دەدى اسقار ساكەن ۇلى.