ادىلقازى القاسىن باستاعان وتاندىق ساحنانىڭ جارىق جۇلدىزى دانيار وتەگەن قوستاناي وبلىسىنىڭ دارىندى بالارىنىڭ ۆوكالدى قابىلەتتەرىن باعالاپ, قوستاناي اۋدانىنداعى زاتوبول كەنتىنەن كەلگەن 11 جاسار تالانتتى ءانشى ءابىلمانسۇر ەدىرەستى تاڭدادى. ەندى بالاپان قانات ءانشى قازاقستاننىڭ باسقا ايماقتارىنىڭ 16 فيناليستەرىمەن «جۇلدىزدى ارمان ۇيىندە» كەزدەسەدى. بايقاۋدىڭ سۋپەرفينالىنا دايىندالۋ ماقساتىندا بالالار ۆوكال, حورەوگرافيا جانە ارتىستىك قابىلەتتەرىن ارتتىراتىن ساباقتارعا قاتىسادى.
ەسكە سالا كەتسەك, 25 مەن 27 قازان كۇندەرى بۇلدىرشىندەر جوبانىڭ اقتىق باعدارلامالارىندا ونەر كورسەتىپ, بايقاۋعا ارنايى جازىلعان اندەردى ورىندايدى.
«بالا داۋىسى – 2019» بايقاۋىنىڭ جەڭىمپازى مۋزىكالىق وقۋ ورنىندا ءبىلىم الۋعا مۇمكىندىك بەرەتىن گرانت پەن ديسنەيلەند ەرتەگىلەر الەمىنە ساياحات جولداماسىن ۇتىپ الادى.
قوستاناي