بىرىنشىدەن, ءماسليحاتتىڭ «شىمكەنت قالاسىنىڭ باسقارۋ سحەماسى» تۋرالى شەشىمىنە وزگەرىس ەنگىزىلدى. قالا اكىمى اپپاراتىنىڭ باسشىسى ەركەعالي الىمقۇلوۆ بايانداما جاساپ, مەملەكەتتىك ساتىپ الۋدى بىرىڭعاي ۇيىمداستىراتىن باسقارما قۇرۋدى ۇسىندى. دەپۋتاتتار بۇل ۇسىنىستى ءبىراۋىزدان قولداپ, شىمكەنت قالاسىنىڭ مەملەكەتتىك ساتىپ الۋ باسقارماسى قۇرىلدى.
سەسسيا وتىرىسىندا جەرگىلىكتى مەملەكەتتىك-جەكەمەنشىك ارىپتەستىك جوبالارىنىڭ تىزبەسىن بەكىتۋ تۋرالى شەشىمگە تولىقتىرۋلار ەنگىزۋ ماسەلەسى قارالىپ, دەپۋتاتتار جالپى 14 جوبانىڭ ءتىزىمىن ماقۇلدادى.
– زاڭعا سايكەس, جاڭا باسقارما قۇرۋ – ۋاقىت تالابى. ەندى بارلىق مەملەكەتتىك ساتىپ الۋ جۇمىستارىن وسى باسقارما جۇزەگە اسىرادى. جاقسى مامانداردى جۇمىسقا قابىلدايمىز. ياعني, مەردىگەرلەر بويىنشا جۇمىس جاندانىپ, جالاقى تولەۋ ماسەلەلەرى شەشىلەدى. ال مەملەكەتتىك-جەكەمەنشىك ارىپتەستىك جوبالارىنىڭ بارلىعى دا قالانىڭ دامۋىنا سەرپىن بەرەدى. بيىل ەڭبەكشi اۋدانىنداعى بارلىق بالالار الاڭشاسى تولىق جاڭارتىلادى, - دەدى قالا اكىمى ع. ءابدىراحىموۆ.
ماجىلىستە, سونىمەن قاتار, شىمكەنت قالاسى اكىمدىگىنىڭ جانىنداعى حالىق دەنساۋلىعىن قورعاۋ ماسەلەلەرى جونىندەگى ۇيلەستىرۋ كەڭەسىنىڭ قۇرامى, اكىمدىك جانىنداعى ءدىني بىرلەستىكتەرمەن بايلانىستار جونىندەگى كەڭەستىڭ قۇرامى جانە دەربەس قۇرامى, ۇكىمەتتىك ەمەس ۇيىمدارمەن ءوزارا ءىس-قيمىل جونىندەگى كەڭەستىڭ دەربەس قۇرامى بەكىتىلدى.