ماڭعىستاۋ وبلىسى قازاقستان حالقى اسسامبلەياسى حاتشىلىعىنىڭ مەڭگەرۋشىسى گۇلجان يسمۋرزينا 2019 جىلى 19 ناۋرىزدا قازاقستاننىڭ تۇڭعىش پرەزيدەنتى نۇرسۇلتان نازارباەۆ وكىلەتتىگىن توقتاتقانى جونىندە جانە كونستيتۋتسياعا سايكەس, مەملەكەت باسشىسىنىڭ وكىلەتتىگى سەنات سپيكەرى قاسىم-جومارت توقاەۆقا اۋىسقاندىعىنا, اعىمداعى جىلدىڭ 9 ساۋىرىندە قازاقستان پرەزيدەنتى قاسىم-جومارت توقاەۆ مەملەكەتتىك تەلەارنالار ارقىلى بەرگەن حالىققا ۇندەۋى بارىسىندا قازاقستان پرەزيدەنتىنىڭ كەزەكتەن تىس سايلاۋىن وتكىزۋ تۋرالى شەشىم قابىلداعاندىعىنا جانە بۇل سايلاۋ 9 ماۋسىمدا وتەتىندىگىن حابارلاعاندىعىنا توقتالدى.
- «نۇر وتان» پارتياسىنىڭ كەزەكتەن تىس سەزىندە قازاقستاننىڭ تۇڭعىش پرەزيدەنتى, پارتيا توراعاسى نۇرسۇلتان نازارباەۆ پارتيا اتىنان پرەزيدەنتتىككە كانديداتتىڭ ەسىمىن جاريالادى, دەدى ول.
- ءار مەملەكەتتىڭ ومىرىندە ماڭىزدى شەشىم قابىلداۋ ءساتى كەلەدى. مىنە, مەملەكەتىمىزدىڭ استاناسى – نۇر-سۇلتان قالاسىندا ءبىزدىڭ رەسپۋبليكامىزدىڭ تاريحىنا ەنەتىن ەرەكشە تاريحي ءماجىلىس بولىپ ءوتتى. «نۇر وتان» پارتياسىنىڭ كەزەكتەن تىس سەزى ءوتتى. وندا قازاقستاننىڭ تۇڭعىش پرەزيدەنتى, پارتيا توراعاسى نۇرسۇلتان نازارباەۆ قازاقستان رەسپۋبليكاسىنىڭ پرەزيدەنتى لاۋازىمىنا قاسىم-جومارت توقاەۆتىڭ كانديداتۋراسىن ۇسىندى. ءبىرىنشى پرەزيدەنتتىڭ پەرسپەكتيۆالىق باعدارلامالارى مەن باستامالارى شەڭبەرىندە مەملەكەتتىڭ ستراتەگيالىق دامۋىنا ىقپال ەتەتىن سالماقتى جانە ناقتى شەشىم قابىلداندى. بارلىق ەلباسىنىڭ ۇسىنىلعان باعدارلامالارىنا قر پرەزيدەنتتىگىنە كانديدات تىكەلەي قاتىسقاندىعى وتە ماڭىزدى. قاراپايىم سوزبەن ايتقاندا, قويان قولتىق ەنبەك ەتتى. بۇل قويىلعان ماقساتتار مەن ولاردى ىسكە اسىرۋ جولىنداعى ساباقتاستىعىنىڭ نەگىزى بولىپ تابىلادى, دەدى ءسوز العان «شالوم» ەۆرەي ەتنومادەني بىرلەستىگىنىڭ توراعاسى يۋري كەرجباۋم.
كاسىپكەر يرينا بەلياەۆا ەل پرەزيدەنتىن سايلاۋ ازاماتتار ءۇشىن ەڭ باستى ساياسي پروتسەسس ەكەنىن اتاپ ءوتتى, ويتكەنى داۋىس بەرۋ ارقاسىندا ءاربىر سانالى ادام ءوز ەلىنىڭ بولاشاعىنا ءوز ۇلەسىن تيگىزە الادى. 25 جىلدىق تاجىريبەسى بار كاسىپكەر رەتىندە, ول ءۇشىن, ءبىزدىڭ ەلدەگى ساياسي تۇراقتىلىق پەن مەملەكەتتىڭ نىق ەكونوميكاسى ماڭىزدى بولىپ تابىلادى. سوندىقتان, ەلباسى ۇسىنعان, قاسىم-جومارت توقاەۆ كانديداتۋراسى الەمگە بەلگىلى ديپلومات جانە ساياساتكەر بولىپ تابىلاتىندىقتان, ەڭ ۇزدىك تانداۋ بولادى.
- ەلباسىنىڭ ۇسىنىسىنىڭ ارقاسىندا قازاقستان حالىق اسسامبلەياسى قۇرىلدى. وسى ەكى ورگاندا تولىق مىندەتتەرىن اتقارىپ وتىرعانى ءسوزسىز. ەلباسى ۇسىنعان كانديداتۋرا تەرەڭ ويلاستىرىلعاندىقتان ەڭ لايىقتى دەپ سانايمىن, دەدى «ەحپايرۋتيۋن» ارميان ەتنومادەني بىرلەستىگىنىڭ توراعاسى ايراپەت كۋردوگليان.
باسقا سپيكەرلەر دە «نۇر وتان» پارتياسىنىڭ ءحىح كەزەكتەن تىس سەزىندە ۇسىنىلعان قاسىم-جومارت توقاەۆتىڭ كانديداتۋراسىن ءبىر اۋىزدان قولدادى. كەزدەسۋ سوڭىندا ماڭعىستاۋ وبلىسىنىڭ ەتنومادەني بىرلەستىكتەرىنىڭ قازاقستان حالقىنا «نۇر وتان» پارتياسىنىڭ ءحىح كەزەكتەن تىس سەزىندە ۇسىنىلعان قازاقستان پرەزيدەنتتىگىنە كانديداتىن قولداۋ تۋرالى ۇندەۋىن جاريالادى.