"قازاقستاندا وسىدان 4,5 جىل بۇرىن بولعان ەدىم. سول ۋاقىتتان بەرى ەلدەرىڭىز قارقىندى دامىپ, ىلگەرىلەي تۇسكەن. قازىر تەحنولوگيالىق وزگەرىستەردى بايقاپ وتىرمىن جانە الداعى ۋاقىتتا مۇنان دا قارقىندى دامۋعا كۋا بولاتىندىعىمىزعا سەنىمىم مول", دەدى ماجارستان ۇكىمەتىنىڭ باسشىسى.
ونىڭ اتاپ وتۋىنشە, قازاقستان مەن ماجارستاننىڭ اراسى گەوگرافيالىق تۇرعىدا تىم شالعاي جاتىر. ءدال وسى جايت ەكونوميكالىق بايلانىستاردى كۇشەيتۋدە قيىندىق تۋدىرىپ وتىر. دەگەنمەن, ونى دا ەڭسەرۋدىڭ جولدارى بار.
ء"بىز سوڭعى ۋاقىتتا قازاق-ماجار بىرلەسكەن كاسىپورىندارىن قۇرۋ ءۇشىن بارىنشا قارقىندى جۇمىس جۇرگىزدىك. "نۇر-سۇلتان" قالاسىنداعى حالىقارالىق قارجى ورتالىعىنىڭ قۇرىلۋىنا جان-جاقتى قولداۋ كورسەتىپ, قازاق-ماجار ينۆەستيتسيالىق قورىن قۇردىق. ول قازىرگى ۋاقىتتا ءوزىنىڭ العاشقى جەمىسىن بەرىپ تە وتىر. اتاپ ايتقاندا, اۋىل شارۋاشىلىعى سالاسىندا ءوزىمىزدىڭ ەڭ العاشقى ءىرى ينۆەستيتسيالىق جوبامىزدى جۇزەگە اسىردىق. ەكىنشى جوبانى قولعا الدىق. ونىڭ اياسىندا ءسۇت زاۋىتىن سالاتىن بولامىز", دەدى ۆيكتور وربان.