بۇگىنگى كۇنى ونىڭ الدىڭعى تىزبەگىندە ەۋرازيالىق توپ (ەurasian Resources Grop) وكىلدەرى تۇر. ءوز كەزەگىندە تابيعي رەسۋرستاردى ءوندىرۋ مەن وڭدەۋ ەنەرگەتيكا, لوگيستيكا جانە ماركەتينگ سالالارى بويىنشا الەمدەگى ارتاراپتاندىرىلعان جەتەكشى كومپانيالاردىڭ ءبىرى ەكەنىن ايتا كەتكەن ءجون. ءتورت قۇرلىقتاعى ون بەس ەلدە ورنالاسقان توپ كاسىپورىندارى ءوز سالالارى بويىنشا ءىرى جۇمىس بەرۋشىلەر بولا بىلۋىمەن ەرەكشەلەنەدى. ەلىمىزدەگى جوعارى ماركالى اليۋميني وندىرەتىن بالاماسى جوق جالعىز كاسىپورىن دا ەۋرازيالىق توپتىڭ قۇرامىندا ەكەنى ءمالىم. مىس پەن كوبالت ءوندىرۋ مەن وڭدەۋ ىسىندە دە ERG-تىڭ الاتىن ۇلەسى جوعارى. سونداي-اق بۇكىلالەمدىك ەكونوميكالىق فورۋم تۇعىرناماسىندا قۇرىلعان اككۋمۋلياتورلى باتارەيالار سەكتورىنا ارنالعان جاھاندىق اليانستىڭ قۇرىلتايشى-سەرىكتەسى بولۋى دا ونىڭ زور الەۋەتىن اڭعارتادى.
تۇق ەتەرى ترانسۇلتتىق كومپانيا قۇرامىنداعى «كازحروم» تۇق اق مەتاللۋرگيا, تاۋ-كەن ءىسى, قۇرىلىس, اۆتوموبيل جانە جول قوزعالىسىن ۇيىمداستىرۋ ماماندىقتارى بويىنشا ق.جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتىنىڭ 50 تۇلەگىن قىزمەتكە الۋ جونىندە شەشىم قابىلدادى. جوعارىدا اتالعان ترانسۇلتتىق كومپانيانىڭ پرەزيدەنتى ارمان ەسەنجولوۆتىڭ ايتۋىنشا مۇندا ەكىجاقتى كەلىسىمگە سايكەس تۇلەكتەردى جۇمىسقا قابىلداۋدىڭ ارنايى باعارلاماسى جاسالاعان. ونىڭ وزگەشەلىگى مەن ارتىقشىلىعى –اقىسى تولەنەتىن تالىمگەردىڭ تاعايىندالۋى. ونىڭ باستى قىزمەتى جاس كادرلەردى وندىرىستىك تاجىريبەگە باۋلۋ بولىپ وتىر. بۇعان قوسا تۇلەتكەردى جۇمىسقا ورنالاستىرۋ, ولاردىڭ قىزمەتتە ءوسۋ مەن ورلەۋ جولدارىنىڭ جوسپارلارىن ازىرلەۋ جانە كادرلەر لەگى مەن رەزەرۆىن ەنگىزۋ جونىندە دە ءتيىستى ءىس-شارالار بەلگىلەنگەن.
-ءبىز جوعارى وندرىستىك مەجەگە كاسىبي بىلىكتىلىگى جوعارى ماماندارعا ارقا سۇيەگەن جاعدايدا عانا جەتە الاتىنىمىزدى جاقسى تۇسىنەمىز. ءارى مىڭداعان ادام قىزمەت جاسايتىن ۇلكەن دە ىرگەلى كاسىپورىنعا ماقساتكەر, ءورشىل, تالابى بيىك, جاۋاپكەرشىدىگى جوعارى جاستاردى قابىلداۋعا قاشان دا ءازىرمىز دەدى گازەت تىلىشىسىنە «كازحروم» تۇق اق-نىڭ پرەزيدەنتى ارمان ەسەنجولوۆ. اتالمىش ترانسۇلتتىق كومپانيانىڭ ەڭ باستى قۇرىلىمدىق ءبولىمى 4300 ادام جۇمىس ىستەيتىن اقتوبە فەرروقورىتپا زاۋىتى بولسا, ونىڭ 800-دەن استامى جۇبانوۆ ۋنيۆەرسيتەتىنىڭ تۇلەكتەرى ەكەن. بۇل شارا مەن مۇنداعى قىزمەتكەرلەردىڭ 20 پايىزى وسى جوعارى وقۋ ورنىن ءبىتىرىپ, زاۋىتقا جۇمىسقا ورنالاسقاندار دەگەن ءسوز دەيدى ونىڭ ديرەكتورى ج.ب.مۇسابەكوۆ. وسى ارادا جالعاسبەك بەرەكەت ۇلىنىڭ ءوزى دە جۇبانوۆ ۋنيۆەرسيتەتىنىڭ تۇلەگى ەكەنىن ايتا كەتكەننىڭ ارتىقشىلىعى بولا قويماس. ول 2002 جىلى اتالمىش جوعارى وقۋ ورنىن ينجەنەر-مەتاللۋرگ ماماندىعى بويىنشا ۇزدىك ديپلوممەن اياقتاپتى. سودان سوڭ ەڭبەك جولىن وسى وندىرىستىك ۇجىمدا فەرروقورىتپا بالقىتۋ قىزمەتىنەن باستاپ, ءوز شەبەرلىگى مەن بىلىكتىلىگىن كوتەرە وتىرىپ, كاسىپورىن باسشىسىنا دەيىن كوتەرىلگەن. بۇل مىسالدىڭ ءوزى دە تۇلەكتەرگە وي سالارى انىق. ءبىز ءوندىرىس جەتەكشىلەرىمەن وي-پىكىر الماسۋ كەزىندە قىزمەتكە قابىلدانعان تۇلەكتەر ءتيىستى الەۋمەتتىك جەڭىلدىكتەرمەن قامتىلاتىنى جونىندەگى دەرەكتەرگە قانىقتىق. بۇل ولار ءۇشىن اسا ماڭىزدى ارتىقشىلىقتاردىڭ ءبىرى بولماق. اتاپ ايتقاندا ونىڭ قاتارىندا مەديتسينالىق ساقتاندىرۋ, تاماقتاندىرۋ, ارنايى بولىنگەن كولىك پەن تۇراقتى مەكەن-جايى جانىنان جۇمىسقا الىپ كەلىپ-الىپ قايتۋ, جىل قورىتىندىسى بويىنشا بونۋستار بەرۋ, ءوندىرىس ەرەكشەلىگىنە سايكەس كەزەكتى ەڭبەك دەمالىسىنا قوسىمشا كۇندەر قوسۋ, سانيتارلىق-كۋرورتتىق كارتالاردى جەڭىلدەتىلگەن باعامەن ۇسىنۋ كىرەدى ەكەن. سونداي-اق ەۋرازيالىق توپ قۇرامىنداعى كاسىپورىنداردا قىزمەتكە قابىلدانعان جاس كادرلەردىڭ تۇرعىن-ءۇي باعدارلاماسىنا قاتىسۋ مۇمكىندىكتەرى جوعارى ەكەنى دە اتاپ ايتۋعا تۇرارلىق ماسەلە.
مىنە, ق.جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتىندە تۇلەكتەردى جۇمىسقا ورنالاستىرۋدىڭ بىرقاتار وڭ مىسالدارى وسىنداي.