اقپارات كوزدەرىنە سۇيەنسەك, اتالمىش چەللەندج اياسىندا ولار قالا كوشەلەرىنە «بىرلىگى مىقتى جاستار - بولاشاققا جول باستار», «رۋحاني جاعىنان سۇلۋ ادامدار – بۇلار ەڭ الدىمەن باقىتتى ادامدار», «ءار قازاق - مەنىڭ جالعىزىم» دەگەن سىندى ولەڭ جولدارى مەن ناقىل سوزدەر جازىلعان حالىقتى اۋىزبىرلىككە, تاتۋلىققا, ۇلتتىق ءپاتريوتيزمدى جوعارى ۇستاۋعا شاقىراتىن تاقتايشالار ءىلۋدى باستاعان. وڭدى ىستەرىن ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنىڭ جاريالانعانىنا 2 جىل تولۋىنا ورايلاستىرعان جاستار بۇل ناقىل سوزدەر قالانىڭ كوركىن اسىرۋمەن بىرگە, جاستارعا تاربيەلىك قۇرال رەتىندە قىزمەت اتقارادى دەپ تۇسىندىرەدى.
بۇعان دەيىن 1 ملن تەڭگەگە مۇقتاج جاندارعا پاندۋس ورناتىپ بەرگەن جاڭاوزەندىك جاستار ەندىگى كەزەكتە از قامتىلعان وتباسىلار ءۇشىن قايىرىمدىلىق شارالارىن ۇيىمداستىرىپ, ولارعا ازىق-ت ۇلىك جانە قارجىلاي كومەك كورسەتۋدى جوسپارلاپ وتىر. سونىمەن قاتار, «جاقسىلىق جاسا» چەللەندجى اياسىندا كوشەلەرگە ناقىل سوزدەر جازىلعان تاقتايشالار ورناتۋدى بارشا قازاقستاندىق جاستارعا ءوز وڭىرلەرىندە جالعاستىرۋ ءۇشىن جولداۋدا.