سارسەنبى, 30 مامىر 2012 7:43
جاقىندا استانادا «ءبىر اتانىڭ بالالارى فۋتبول وينايدى!» وتباسىلىق تۋرنيرى قايتا جالعاسىن تاپتى.
بۇل تۋرنير العاش رەت 2001 جىلى الماتىدا بەلگىلى جازۋشى, سپورت ءجۋرناليسى نەسىپ ءجۇنىسباي ۇلىنىڭ باستاماسىمەن جالاۋ جەلبىرەتكەن بولاتىن. وعان ەلىمىزدىڭ تۇكپىر-تۇكپىرىنەن كوماندالار قاتىسىپ, بىرنەشە كۇن بويى جارىستىڭ كورىگىن قىزدىراتىن. سول كەزدەگى تۋرنيرگە قازىر قازاقستان ۇلتتىق قۇراماسىنىڭ شابۋىلشىسى بولىپ جۇرگەن جامبىل كوكەەۆ, مۇرات تىلەشەۆ سياقتى ويىنشىلار دا قاتىسىپ, شىرەنە دوپ تەپكەنىن بىلەمىز.
سارسەنبى, 30 مامىر 2012 7:43
جاقىندا استانادا «ءبىر اتانىڭ بالالارى فۋتبول وينايدى!» وتباسىلىق تۋرنيرى قايتا جالعاسىن تاپتى.
بۇل تۋرنير العاش رەت 2001 جىلى الماتىدا بەلگىلى جازۋشى, سپورت ءجۋرناليسى نەسىپ ءجۇنىسباي ۇلىنىڭ باستاماسىمەن جالاۋ جەلبىرەتكەن بولاتىن. وعان ەلىمىزدىڭ تۇكپىر-تۇكپىرىنەن كوماندالار قاتىسىپ, بىرنەشە كۇن بويى جارىستىڭ كورىگىن قىزدىراتىن. سول كەزدەگى تۋرنيرگە قازىر قازاقستان ۇلتتىق قۇراماسىنىڭ شابۋىلشىسى بولىپ جۇرگەن جامبىل كوكەەۆ, مۇرات تىلەشەۆ سياقتى ويىنشىلار دا قاتىسىپ, شىرەنە دوپ تەپكەنىن بىلەمىز. وكىنىشكە وراي بارشانى باۋراعان تۋرنير 2005 جىلى توقتاپ قالدى. ەندى, مىنە, سول ءداستۇر بيىل قازاق جانە ورىس ءتىلدەرىندە شىعاتىن «Sport» جانە «سپورت» گازەتتەرىنىڭ ۇيىمداستىرۋىمەن قايتا جالعاسىن تاۋىپ وتىر.
بيىلعى جارىس استانانىڭ «الاتاۋ» سپورت كەشەنىندە ءوتىپ, ەكى كۇن بويى جالعاستى. ونىڭ اشىلۋ سالتاناتىندا وسى تۋرنيردى ۇيىمداستىرۋشى جوعارىدا اتالعان گازەتتەردىڭ باس-ديرەكتورى-باس رەداكتورى, قازاقستان رەسپۋبليكاسىنا ەڭبەك ءسىڭىرگەن قايراتكەر نەسىپ ءجۇنىسباي ۇلى, سپورت جانە دەنە تاربيەسى ىستەرى جونىندەگى اگەنتتىگىنىڭ جاۋاپتى حاتشىسى الىشەر پىرمەتوۆ, قازاقستان رەسپۋبليكاسى پرەزيدەنتى جانىنداعى ايەلدەر ءىسى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ مۇشەسى ناتاليا سۋحورۋكوۆا, استانا قالاسىنداعى №8-ءشى سپورت مەكتەبىنىڭ ديرەكتورى جومارت سابىرجان ۇلى, بەلگىلى جۋرناليست ءدۇرالى دۇيسەباي, «نۇر استانا» گازەتىنىڭ باس رەداكتورى عابيت مۇسىرەپ, «استانا اقشامى» گازەتى باس رەداكتورىنىڭ ورىنباسارى عالىم قوجابەكوۆ, كەزىندە فۋتزالدان ەلىمىز قۇراماسىنىڭ نامىسىن قورعاپ, ۇزدىك شابۋىلشى اتانعان قازاقستان فۋتبول فەدەراتسياسى سپورتتىق ديرەكتورىنىڭ ورىنباسارى قانات مۇساتاەۆتار ءسوز الىپ, ءتۋرنيردىڭ بۇقارالىق سپورتتى دامىتۋداعى, حالىق اراسىندا سالاماتتى ءومىر سالتىن قالىپتاستىرۋداعى ءرولى تۋرالى ايتىپ, ونىڭ ءمان-ماڭىزىنا توقتالىپ ءوتتى.
ءبىر اتانىڭ بالالارى فۋتبول وينايدى» تۋرنيرىنە بيىل «Proctor& Gamble» كومپانياسىنىڭ قولداۋ كورسەتكەنىن اتاپ وتكەنىمىز ءجون. بۇل كومپانيا بۇعان دەيىن وتكەن وليمپيادا كۇنىندە دە سپورت جانە دەنە تاربيەسى ىستەرى ءجونىندەگى اگەنتتىگىنە, ۇلتتىق وليمپيالىق كوميتەتكە, جەرگىلىكتى اكىمدىكتەرگە قولۇشىن سوزىپ, جارىستارعا قولداۋ كورسەتكەن بولاتىن. جارىسقا 14 كوماندا قاتىسىپ, كۇش سىناستى. وندا ا توبىندا «پىرمەتوۆتەر», «كۇنشىعاروۆتار», «تىلەشوۆتەر» جانە «قوجاحمەتوۆتەر» اۋلەتى جارىسقا شىقسا, ۆ توبىندا «لەسباەۆتار», «جاقىپباي اتا ۇرپاقتارى», «كوكەەۆتەر» ءجانە «ءجۇنىسباي اتا ۇرپاقتارى» باق سىنادى. ال, س توبىندا «قوجابەكوۆتەر», «قوراباەۆتار», «تاجيەۆتەر» جانە «بايعازى اتا ۇرپاقتارى» الاڭعا شىقتى. سوڭعى D توبىندا «ەسكەكباەۆتار», «ورازبەكوۆتەر», «سارسەمبەكوۆتەر» ونەر كورسەتتى. جارىس 3 تۋر بويىنشا ءوتىپ, ءوز توپتارىندا العاشقى ەكى ورىندى العان كوماندالار شيرەك فينالعا شىعۋعا مۇمكىندىك الدى. مۇندا جەتى جاسار بالادان جاسى جەتپىسكە كەلگەن ازاماتتارعا دەيىن ويىن ورنەگىن كورسەتتى.
ءسويتىپ, ەكى كۇنگە سوزىلعان جارىستىڭ فينالىندا ءوز توپتارىندا قارسىلاستارىنىڭ ءبارىن جەڭگەن «كۇنشىعاروۆتار» مەن «سارسەمبەكوۆتەر» كوماندالارىنىڭ جولى ءتۇيىستى. كەزدەسۋ وتە تارتىستى ءوتتى. نەگىزگى ۋاقىتتا ەسەپ اشىلماي, جەڭىمپاز پەنالتي سوعۋ ناتيجەسى بويىنشا انىقتالدى. ءسويتىپ, «ءسارسەمبەكوۆتەر» كومانداسىنىڭ باعى جاندى. ءۇشىنشى ورىن لەسباەۆتار وتباسىنا بۇيىردى. وسىلايشا, الماتى وبلىسى, ەڭبەكشىقازاق اۋدانى, قورام اۋىلىنان ات تەرلەتىپ كەلگەن ءسارسەمبەكوۆتەر وتباسىنىڭ كومانداسى بيىلعى جىلدىڭ جەڭىمپازى اتاندى.
داستان كەنجالين,
«ەگەمەن قازاقستان».
سۋرەتتەردى تۇسىرگەن ەرلان وماروۆ,
«ەگەمەن قازاقستان».