سارسەنبى, 23 مامىر 2012 6:55
گۆاتەمالانىڭ انتيگۋا قالاسىندا اۋىراتلەتيكادان 20 جاسقا دەيىنگى جاسوسپىرىمدەراراسىنداعى الەم چەمپيوناتى اياقتالدى. وسىجارىستا نەبارى تورت سالماق دارەجەسىبويىنشا كۇش سىناسقان قازاقستان قۇراماسى ەكىالتىن, ەكى قولا جۇلدە الىپ, كوماندالىقەسەپتە ۇشىنشى ورىندى يەلەندى.
سارسەنبى, 23 مامىر 2012 6:55
گۆاتەمالانىڭ انتيگۋا قالاسىندا اۋىراتلەتيكادان 20 جاسقا دەيىنگى جاسوسپىرىمدەراراسىنداعى الەم چەمپيوناتى اياقتالدى. وسىجارىستا نەبارى تورت سالماق دارەجەسىبويىنشا كۇش سىناسقان قازاقستان قۇراماسى ەكىالتىن, ەكى قولا جۇلدە الىپ, كوماندالىقەسەپتە ۇشىنشى ورىندى يەلەندى.
وسى ورايدا اۋىر اتلەتيكا فەدەراتسياسى باسشىلارىنىڭ سانعا ەمەس, ساپاعا جۇگىرگەنىن, الەم چەمپيوناتىنا ۇلكەن ۇمىتپەن ءتورت سپورتشىمىزدى قاتىستىرسا, زىلتەمىرشىلەر ءوز كەزەگىندە ەل سەنىمىن اقتاي بىلگەنىن ايتۋعا تيىستىمىز. اتاپ ايتار بولساق, بۇعان دەيىن حابارلانعانىنداي, قىزدار اراسىندا 69 كيلو سالماق دارەجەسى بويىنشا كۇش سىناسقان جازيرا جاپپارقۇل الەم چەمپيونى اتاندى. ءسويتىپ, بۇل قىزىمىزدىڭ ەسىمى قازاق اراسىنان شىققان تۇڭعىش الەم چەمپيونى رەتىندە سپورت شەجىرەسىنە جازىلدى. جالپى, جازيرا بۇعان دەيىن دە جانكۇيەرلەرىن قۋانتىپ, وسىدان ەكى جىل بۇرىن سينگاپۋردە وتكەن جاسوپىرىمدەر وليمپياداسىندا دا التىننان القا تاققان بولاتىن.
63 كگ. سالماقتا كارينا گوريچەۆا قولا مەدالگە يە بولدى. جۇلقىپ كوتەرۋ جاتتىعۋى بويىنشا ول تەك ديانا احمەتوۆادان قالىپ قويدى. سەرپە كوتەرۋدىڭ ناتيجەسىندە رەسەي سپورتشىسىمەن قوسا, قىتايلىق دينلينگ لونگتى العا جىبەردى. بىلتىر بۇل قىزىمىز الەم چەمپيوناتىندا كۇمىس مەدالدى يەلەنگەن بولاتىن.
ەرلەر باسەكەسىندە وتانداستارىمىزدىڭ اراسىنان العاشقى بولىپ 94 كگ. سالماقتاعى جاسۇلان قىدىرباەۆ كۇش سىناستى. ازيا چەمپيونى دەگەن اتاعى بار جىگىتىمىز 363 (165+198) كيلولىق ءزىلتەمىردى باعىندىرىپ, قولا مەدالدى يەلەندى. ول بىلتىر ەرلەر اراسىندا وتكەن الەم چەمپيوناتىندا قولا جۇلدەگەر اتانعان سايد مۇحامەدپۋر قارقاراش پەن رەسەيلىك ەگور كليموۆقا ەسە ءجىبەردى. نەگىزى بۇل سالماق دارەجەسىن قازاقستان اۋىر اتلەتيكاسىنا قۇت اكەلەتىنىن جانكۇيەرلەر جاقسى بىلەدى. ماسەلەن, يليا يلين بەيجىڭ وليمپياداسىندا توپ جارىپ, ءۇش رەت الەم چەمپيونى اتاندى. ۆلاديمير سەدوۆ بولسا, 2009 جىلعى الەم چەمپيوناتىندا ەشكىمگە دەس بەرمەدى. الماس وتەشەۆ ازيا چەمپيوناتىندا ەكى رەت جۇلدەگەرلەر قاتارىنان كورىندى. قازىر وسى ۇشەۋىنىڭ اراسىنداعى باسەكەلەستىك كۇنى بۇگىنگە دەيىن جالعاسۋدا. قازاقستان ۇلتتىق قۇراما كومانداسى باپكەرلەرىنىڭ ءوزدەرى وسى ۇشەۋىنىڭ اراسىنان كىمدى لوندونعا اپارامىز دەپ باس قاتىرۋدا ەكەن. ەندى, مىنە الداعى كەزدە ولاردىڭ قاتارىنا جاسۇلان قىدىرباەۆتىڭ قوسىلاتىنى ءسوزسىز.
105 كگ. سالماقتاعى زىلتەمىرشىلەر اراسىندا يبراگيم بەرسانوۆ الەم چەمپيونى اتاندى. بىلتىرعى الەمدىك دودادا جەڭىس تۇعىرىنا ءسال عانا جەتە الماي قالعان ول بۇل جولى شەبەرلىكتىڭ شىنايى ۇلگىسىن كورسەتتى. قوسسايىستىڭ قورىتىندىسى بويىنشا 391 (180+ 211) كيلو سالماقتى باعىندىرعان يبراگيممەن ەشكىم تەڭەسە العان جوق. وعان تىپتەن, كۇمىس پەن قولا مەدالدى يەلەنگەن لاتۆيالىق ارتۋرس پلەسنيەكس پەن يراندىق سايد ساياردىڭ ءوزى جەرلەسىمىزگە جارىتىپ قارسىلىق كورسەتە المادى.
قورىتا ايتقاندا, كوماندالىق ەسەپتە 2 التىن مەن 2 قولانى ەنشىلەگەن قازاقستان قۇراماسى ءۇشىنشى ورىندى يەلەندى. كوش باسىنداعى قىتايدىڭ قورجىنىندا 6 التىن, 4 كۇمىس جانە 1 قولا مەدال بولسا, رەسەي 4 التىن, 3 كۇمىس جانە 1 قولانى يەلەنىپ, ەكىنشى ورىنعا شىقتى. دەگەنمەن, ءبىزدىڭ باستى قارسىلاستارىمىزدىڭ الەم چەمپيوناتىنا تولىق قۇراممەن كەلگەنىن, ال ءبىزدىڭ كوماندا ساپىندا نەبارى ءتورت سپورتشىمەن قاتىسقانىن ايتا كەتۋ كەرەك. وسىنىڭ وزىندە قىز-جىگىتتەرىمىز الەمنىڭ الپاۋىت ەلدەرىنە لايىقتى قارسىلىق كورسەتە ءبىلدى.
ال زىلتەمىرشىلەردىڭ وزدەرى بارىنشا قولداۋ كورسەتىپ وتىرعان سپورت جانە دەنە تاربيەسى ءىستەرى جونىندەگى اگەنتتىگى مەن باس دەمەۋشى – «سامۇرىق-قازىنا» ۇلتتىق ءال-اۋقات قورىنا ريزاشىلىقتارىن بىلدىرەتىندەرىن ايتۋدا.
داستان كەنجالين,
«ەگەمەن قازاقستان».