سەنبى, 21 شىلدە 2012 7:23
جۋىردا «مىڭجىلقى» مادەنيەت ۇيىندە «جانارىم – مەنىڭ جۇرەگىم» اتتى كوزى كورمەيتىن جانە ءالسىز كورەتىن ازاماتتاردىڭ وبلىستىق فەستيۆالىنىڭ اۋدانارالىق ىرىكتەۋ كەزەڭى ءوتتى. بايدىبەك جانە سوزاق اۋداندارىنىڭ ونەرپازدارى قاتىسقان ءمانى دە, مازمۇنى دا ەرەكشە ونەر سايىسىندا تاعدىردان قاعاجۋ كورسە دە, تالانتتارى قايىرىلماعان, جۇرەكتەرىندە اسەمدىك گ ۇلى كوكتەگەن, اينالانى كوزبەن ەمەس, كوڭىلمەن ايالاعان ايرىقشا دارىن يەلەرى بىرنەشە نوميناتسيا بويىنشا سايىسقا ءتۇستى.
سەنبى, 21 شىلدە 2012 7:23
جۋىردا «مىڭجىلقى» مادەنيەت ۇيىندە «جانارىم – مەنىڭ جۇرەگىم» اتتى كوزى كورمەيتىن جانە ءالسىز كورەتىن ازاماتتاردىڭ وبلىستىق فەستيۆالىنىڭ اۋدانارالىق ىرىكتەۋ كەزەڭى ءوتتى. بايدىبەك جانە سوزاق اۋداندارىنىڭ ونەرپازدارى قاتىسقان ءمانى دە, مازمۇنى دا ەرەكشە ونەر سايىسىندا تاعدىردان قاعاجۋ كورسە دە, تالانتتارى قايىرىلماعان, جۇرەكتەرىندە اسەمدىك گ ۇلى كوكتەگەن, اينالانى كوزبەن ەمەس, كوڭىلمەن ايالاعان ايرىقشا دارىن يەلەرى بىرنەشە نوميناتسيا بويىنشا سايىسقا ءتۇستى.
جينالعان قاۋىم سوزاق اۋدانىنىڭ نامىسىن قورعاعان قاسىمجان ءومىر ۇلى, تولەگەن اققۇليەۆ, جومارت بارلىباەۆ, گۇلھايا جۋاشباەۆا, دامەن داۋلەت, ساتىبالدى دۇيسەنبەكوۆتىڭ ونەرىنە ريزا كوڭىلمەن قول سوقتى. سول سياقتى, رۋحيا ايمۇراتوۆا, ەربول ءادىلبەكوۆ, نۇرجان تورەباەۆ سىندى ءبايدىبەكتىك ونەرپازدار دا كورەرمەندەر كوڭىلىنەن شىعا ءبىلدى. زاعيپ جانە ناشار كورەتىن ازاماتتاردىڭ وبلىستىق ارنايى كىتاپحاناسى ديرەكتورىنىڭ ورىنباسارى باكىر نۇرمانبەتوۆ ءتوراعالىق ەتكەن قازىلار القاسى اۋدانىمىزدىڭ 5 وكىلىن وبلىستىق فەستيۆالدا ونەر كورسەتۋگە لايىق دەپ تانىدى. وسى ارادا بايقاۋدىڭ ويداعىداي وتۋىنە ايتارلىقتاي ۇلەس قوسقان جانداردى دا اتاي كەتسەك, ارتىق بولماس. بايقاۋدىڭ ءوز دارەجەسىندە وتۋىنە جىراقتا جۇرسە دە تىلەگى ەلمەن بىرگە ازامات – «يۋجقازەنەرگورەمونت GOLTD» جشس-نىڭ ديرەكتورى ءباكەن ماقۇلبەكوۆ, اۋىل ازاماتتارى تالعات سەيسەنباەۆ, ايناگۇل ءتاڭىرجانوۆا, الماس رىسباي, رايحان نۇرماحانوۆا, گۇلزات ءناسرەددينوۆا دەمەۋشىلىك جاساسا, سوزاق اۋداندىق ورتالىق كىتاپحاناسى جانىنداعى كوزى كورمەيتىن جانە ناشار كورەتىن ازاماتتارعا قىزمەت كورسەتەتىن قوسىننىڭ كىتاپحاناشىسى ايمان بالتابەكوۆا دەمەۋشىلەر ىزدەۋمەن بىرگە, بايقاۋعا دايىندىقتىڭ بەل ورتاسىندا ءجۇردى, قاتىسۋشىلاردى دايىندادى. بىلىكتى, ىزدەنىمپاز, ماماندىعىنا ادال كىتاپحاناشىنىڭ وسى ەڭبەگىنە حالىق شىنايى ريزاشىلىعىن ءبىلدىردى.گۇلنار ومىربەك,سوزاق اۋداندىق ورتالىق كىتاپحاناسىنىڭ وقىرماندارمەن جۇمىس جانە شىعارماشىلىق باعدارلامالار ءبولىمىنىڭ مەڭگەرۋشىسى.
وڭتۇستىك قازاقستان وبلىسى.