سەنبى, 20 قازان 2012 8:30
پوليتسيا قىزمەتىندەگى ەڭ باستى تيىمدىلىك قىلمىستى ابدەن جاساپ قويعان بۇزاقىنى ۇستاۋعا اتتانداپ شابۋ ەمەس, سول جاسالار قىلمىستىڭ الدىن الۋ, ياعني ونى بولدىرماۋ. مۇنداي مىندەت بيىگىنەن تابىلعان ساقشىلاردىڭ مەرەيى قاشاندا ۇستەم ەكەندىگى اقيقات. الايدا, قازىرگى پوليتسيا قىزمەتكەرلەرى مۇنداي تالاپ بيىگىنەن كورىنە الۋدا ما؟ قاي مالىمەتكە كوز سالساڭىز دا كىسى ءولتىرۋ, زورلاۋ, قاراقشىلىق ەتەك العان. مۇنداي اسا اۋىر قىلمىستار ورىن العاننان كەيىن ونىڭ سالدارىن ىزدەپ الەكتەنگەننەن وكىنىشتىڭ ورنى تولا ما؟ ەندەشە, بىلە بىلسەك, ەڭ الدىمەن قىلمىستىڭ الدىن الۋدان اسقان ارقاۋ جوق.
سەنبى, 20 قازان 2012 8:30
پوليتسيا قىزمەتىندەگى ەڭ باستى تيىمدىلىك قىلمىستى ابدەن جاساپ قويعان بۇزاقىنى ۇستاۋعا اتتانداپ شابۋ ەمەس, سول جاسالار قىلمىستىڭ الدىن الۋ, ياعني ونى بولدىرماۋ. مۇنداي مىندەت بيىگىنەن تابىلعان ساقشىلاردىڭ مەرەيى قاشاندا ۇستەم ەكەندىگى اقيقات. الايدا, قازىرگى پوليتسيا قىزمەتكەرلەرى مۇنداي تالاپ بيىگىنەن كورىنە الۋدا ما؟ قاي مالىمەتكە كوز سالساڭىز دا كىسى ءولتىرۋ, زورلاۋ, قاراقشىلىق ەتەك العان. مۇنداي اسا اۋىر قىلمىستار ورىن العاننان كەيىن ونىڭ سالدارىن ىزدەپ الەكتەنگەننەن وكىنىشتىڭ ورنى تولا ما؟ ەندەشە, بىلە بىلسەك, ەڭ الدىمەن قىلمىستىڭ الدىن الۋدان اسقان ارقاۋ جوق.
سودان وسىنداي تالاپقا جاۋاپ بەرەتىن پوليتسيا قىزمەتكەرى استانا قالاسىندا بار ما ەكەن دەپ حابارلاسقانبىز. ول اناۋ-مىناۋ ەمەس, تۇرعىندارى اراسىندا ءتارتىبى قيىن, ياعني زاڭعا وڭايلىقپەن مويىنسۇنا قويمايتىن ادامدار قونىس تەپكەن جەردە مىندەتىن اتقارسا دۇرىس دەدىك. ەستۋىمىزشە قالانىڭ «ەۋرازيا» بازارى جاقتا بۇرىن سوتتالىپ كەلگەندەر, ماسكۇنەمدەر, ناشاقورلار مەن جالپى وتباسىنىڭ شىرقىن بۇزۋعا داعدىلانعاندار تۇراتىن كورىنەدى. سوعان سايكەس قالانىڭ «وربيتا» دەپ اتالىپ كەتكەن ايماعىندا الماتى اۋداندىق ءىىد-گە قاراستى №5 ۋچاسكەلىك پوليتسيا بولىمشەسى بار بولسا, وندا وسى ايماقتاعى №34 اكىمشىلىك بولىنىستەگى ءتارتىپكە جاۋاپ بەرەتىن پوليتسيا كاپيتانى ازامات سادىقوۆ دەگەن ءوز ءىسىن جەتىك مەڭگەرگەن ۋچاسكەلىك ينسپەكتور دە بار ەكەن.
ءبىز وعان ۇيرەنشىكتى ادەتپەن قانداي اسا اۋىر قىلمىس جاساعان قانشا قاندىبالاق قىلمىسكەرلەردى ۇستادىڭ نەمەسە ەل-جۇرتتىڭ قۇتىن قاشىرىپ جۇرگەن نەبىر اتىشۋلى قاراقشىلاردى قۇرىقتادىڭ دەپ سۇراعىمىزدى ءتوتەسىنەن قويدىق. سويتسەك, كەيىپكەرىمىز ءسال ەزۋ تارتىپ, وندايلار بىزدە بولمايدى دەيدى. سەبەبى, ونداي دەڭگەيدەگى قىلمىسقا جول بەرمەيمىز, ياعني جەتكىزبەيمىز. اندا-مۇندا ورىن الىپ جاتقان سونداي اۋىر قىلمىستاردىڭ ءوزىمىزدە قايتالانباۋى ءۇشىن جاعدايدىڭ الدىن الا الدىن وراپ ۇلگەرەمىز. ول ءۇشىن دەپ, كاپيتان ا.سادىقوۆ اڭگىمەسىن ودان ءارى جالعاستىردى.
ول ءوزىنىڭ باقىلاۋىنداعى شاعىن اۋداندا قانداي, ياعني كىمدەر تۇراتىنىن جاقسى بىلەدى ەكەن. ءاسىرەسە, تىزىمگە الىنعان جاندارمەن ەرەكشە جۇمىس جۇرگىزەدى. وسىنداي جۇمىستار ارقىلى ول اۋىر قىلمىستارعا جول بەرمەيدى. قاي وتباسىندا كيكىلجىڭ ارتى كىسى ولىمىنە سوقتىرۋى عاجاپ ەكەنىن دە ەستە ۇستايدى. سوعان ساي ءتاربيە جۇمىستارى مەن الدىن الۋ شارالارىن ۇزدىكسىز جۇرگىزگەن سوڭ تىنىمسىز ەڭبەك جەمىسىن دە بەرىپ وتىر. قىلمىس جاساۋعا بەيىم جاندار وزدەرىنىڭ ۇنەمى باقىلاۋدا ەكەنىن ءتۇسىنگەن سوڭ, اياقتارىن تارتاتىنى دا انىق. ال كوز الدارىندا ك ۇلىمدەپ قوعامدىق ءتارتىپ پەن تىنىشتىقتىڭ ساقتالۋىن قاداعالاپ جۇرگەن ءوزدەرىنە تانىس ۋچاسكەلىك پوليتسيا ينسپەكتورىن كورگەن ۇلكەندەر دە, جاستار دا قاۋىپسىزدىك پەن سەنىمدىلىكتىڭ قىمبات ەكەنىن ۇعىنا ءتۇسەتىن سەكىلدى.
ا.سادىقوۆ №5 پوليتسيا ءبولىمشەسىندە تابانى كۇرەكتەي جەتى جىلدان بەرى جۇمىس ىستەپ كەلەدى. ول كۇندە ەرتەڭگىسىن ەڭ اۋەلى ازاماتتاردان تۇسكەن ارىزدار مەن ءوتىنىشتەردى قاراپ شىعادى. وسى ارىز-شاعىمداردى ابدەن سارالاپ العان سوڭ بىردەن شارا قولدانۋعا كىرىسەدى. قايسىبىر ارىزداردىڭ ءىزىن سۋىتپاي تۇسكە دەيىن نەمەسە ءتۇس اۋا, ايتەۋىر كەشكە دەيىن ازاماتتاردىڭ ءوتىنىشتەرىن ورىنداۋ ءۇشىن بەلگىلى ءبىر شارالاردى قابىلداۋدى قامتاماسىز ەتەدى. ول شارالار, ماسەلەن, اكىمشىلىك قۇقىق بۇزۋشىلىق تۋرالى حاتتامالار تولتىرۋ, وتباسىلىق كيكىلجىڭدەر ماسەلەسىن شەشۋ, ءتيىستى ءىس قاعازدارىن سوتقا جونەلتۋ, وزىنە بەكىتىلگەن ايماقتى ارالاۋ, ءتىپتى ءار پاتەرگە باس سۇعىپ, وندا كىمدەر تۇرادى, قالاي تۇرادى دەگەندەي جاعدايدى ءبىلۋ.
وسىنداي كۇندەلىكتى شارالاردىڭ ارقاسىندا مۇنىڭ قارايتىن اكىمشىلىك اۋدانىندا اۋىر قىلمىستار جاسالىپ كورگەن جوق. لايىم سولاي بولا بەرسىن. ال كىسى توناۋ, الاياقتىق سەكىلدى قىلمىستار كۇندەلىكتى ءىزى سۋىماي اشىلۋدا. بۇعان, ارينە, №5 پوليتسيا ۋچاسكەسى بولىمشەسىنىڭ باسشىسى كاپيتان ە.ىسقاقوۆتىڭ دا قوسىپ جاتقان ءوزىندىك ۇلەسى بار ەكەنى ءسوزسىز. ەرسايىننىڭ ءوزى وڭتۇستىك قازاقستان وبلىسى ماقتاارال اۋدانىنان ەكەن. ەلىمىزدىڭ ەڭسەلى ەلورداسىندا ەرەكشە ەڭبەك ەتىپ ءجۇرگەنىن ماقتان تۇتادى. سول ۇزدىكسىز ەڭبەكتىڭ ارقاسىندا ول باقىلاۋ جاسايتىن ايماقتا تىنىشتىق پەن قاۋىپسىزدىك جايلاعان. بۇل دا بولسا بۇگىنگى بەيبىت كۇننىڭ باتىرلارىنا ءتان ەڭ ابزال ءىس ەكەنى ءسوزسىز.
الەكساندر تاسبولاتوۆ,
«ەگەمەن قازاقستان».