«Smart Aqmola» مەملەكەتتىك مەكەمەسىنىڭ جەتەكشىسى عالىمجان بەجەنتاەۆ وبلىس باسشىسى ەرمەك مارجىقپاەۆقا 2018 جىلدىڭ 24 مامىرىنان باستان ىسكە قوسىلعان جوبا بارىسىنان مالىمەت بەرىپ, 2019 جىلعا ارنالعان جوسپارلار تۋرالى باياندادى.
جوبانىڭ نەگىزگى تىرەگى اقمولا وبلىسىنىڭ گەوپورتالى (geo.smartaqmola.kz) جانە ءوڭىر اكىمدىگىنىڭ اقپاراتتىق-تالدامالى جۇيەسى (ياس) بولىپ تابىلادى. وبلىستا ورتالىقتىڭ اقپاراتتىق-تالدامالىق جۇيەسىنىڭ 1 كەزەڭى تاجىريبەلىك نەگىزدە ىسكە قوسىلعان. مۇنداعى «BI-اناليتيك» جۇيەسى ءوڭىردىڭ بارلىق ۆەدومستۆولارىنان – اۋداندىق بولىمدەردەن وبلىستىق باسقارمالارعا دەيىن كەلىپ تۇسەتىن دەرەكتەر مونيتورينگىن وڭدەۋگە جانە پايدالانۋعا باعىتتالعان. جەدەل دەرەكتەردىڭ 800-دەن استام ءتۇرى تالدانىپ, وڭدەۋدەن وتكىزىلۋدە.
بۇل جۇيە باق ينتەرنەت رەسۋرستارىن جانە الەۋمەتتىك جەلىلەردىڭ ناقتى ۋاقىتتاعى مالىمەتتەرىن پايدالانادى. تاعى ءبىر وزەكتى جاڭالىق اۆتوماتتىق-اقپاراتتىق جۇيەگە قوسىلۋ ارقىلى قۇرىلىس نىساندارىنداعى بارلىق جۇمىس اۋقىمىن (قۇجاتتار دەرەكتەرىن قوسىپ ەسەپتەگەندە) باقىلاۋعا مۇمكىندىك تۋىپ وتىر. مۇنداعى «اndroid» پلاتفورماسى, «سۇراۋ سالۋ», «انىقتاما», «جاڭالىقتار» جانە «تۋريستىك الەۋەت» باعىتتارى بارشاعا قولجەتىمدى ەكەندىگى قىزىقتىرادى.
وفيس جۇمىسىن باستاعالى «بالالاردى مەكتەپكە جانە بالالار باقشاسىنا قابىلداۋدى اۆتوماتتاندىرۋ», تۇرعىن ءۇي-كوممۋنالدىق قىزمەتتى تسيفرلاندىرۋدىڭ «ە-كسك» قوسىمشاسى, «قاۋىپسىز قالا» جوباسى, تاعى باسقا قىزمەتتەر ىسكە قوسىلىپتى. كەڭ تارماقتى «call-ورتالىق», ۆەب-سەرۆيس جەدەل قوسىمشاسى دا تۇرعىنداردىڭ تىرشىلىك قابىلەتىن ارتتىرا تۇسەتىنى بەلگىلى. كوكشەتاۋلىقتار ءۇشىن «smart-كۆارتال» جوباسى وتە تيىمدىلىگىمەن ەرەكشەلەنەدى دەپ كۇتىلۋدە. بۇل كۆارتالداردا اقىلدى «جارىقتاندىرۋ», «دوموفون» جانە «شلاگباۋم» جۇيەسى قىزمەت كورسەتەتىن بولادى. سونداي-اق, اۆتوماتتى اۋا جەلدەتكىشتەرى, Wi-Fi, ارنايى قىزمەتتەردى شاقىرۋ تۇيمەلەرى مەن بەينەباقىلاۋ كامەرالارى ورناتىلماق.
اقمولا وبلىسى