كونفەرەنتسيا جۇمىسىنا قازاقستاننىڭ «اق جول» دەموكراتيالىق پارتياسى» قوعامدىق بىرلەستىگى ورتالىق اپپاراتىنىڭ باقىلاۋ-رەۆيزيالىق كوميسسياسىنىڭ توراعاسى بولات وتەپباەۆ جانە قازاقستان رەسپۋبليكاسى پارلامەنت ءماجىلىسىنىڭ دەپۋتاتى بەرىك دۇيسەمبينوۆ, سونىمەن قاتار پارتيانىڭ جامبىل وبلىستىق فيليالىنان, تاراز قالالىق جانە اۋداندىق فيليالىنان سايلانعان دەلەگاتتارى, وبلىستىق ىشكى ساياسات باسقارماسىنىڭ وكىلدەرى, ۇكىمەتتىك ەمەس ۇيىمدار باسشىلارى مەن بۇقارالىق اقپارات قۇرالدارىنىڭ وكىلدەرى قاتىستى.
اۋەلى «اق جول» قدپ جامبىل وبلىستىق فيليالىنىڭ كەزەكتەن تىس كونفەرەنتسياسىنىڭ 5 ادامنان تۇراتىن جۇمىسشى تورالقاسى سايلاندى. جۇمىسشى تورالقاسىنىڭ قۇرامىندا ءبىراۋىزدان پارتيانىڭ جامبىل وبلىستىق فيليالىنىڭ توراعاسى اسان قوشمامبەتوۆ, ءماجىلىس دەپۋتاتى بەرىك دۇيسەمبينوۆ, ورتالىق اپپاراتتىڭ باقىلاۋ-رەۆيزيالىق كوميسسياسىنىڭ توراعاسى بولات وتەپباەۆ, جامبىل وبلىستىق فيليالى توراعاسىنىڭ ورىنباسارى سەيسەكۇل ابدۋساتتاروۆا جانە وبلىستىق فيليالى كەڭەس بيۋروسىنىڭ مۇشەسى ورازالى ەراحىنوۆ سەكىلدى ازاماتتار بولدى.
كونفەرەنتسيا جۇمىسىنىڭ بارىسىندا پارتيانىڭ كەزەكتەن تىس حV سەزىنە جامبىل وبلىسىنان 5 دەلەگات جانە كەڭەسۋ قۇقىعىمەن 3 پارتيا بەلسەندىلەرى سايلاندى. جيىن بارىسىندا بولات وتەپباەۆ ءسوز الىپ, پارتيانىڭ ماقساتى مەن مىندەتىنە توقتالدى. سونىمەن قاتار, ءوز سوزىندە بەرىك دۇيسەمبينوۆ بۇگىنگى تاڭدا «اق جول» پارتياسى كاسىپكەرلىك ماسەلەسىن كوتەرىپ كەلە جاتقانىن ايتتى. «ەڭ باستىسى ءبىزدى قولدايتىن حالىق بار. ال پارتيانىڭ مىندەتى تۋرالى ايتار بولسام, ءبىز كاسىپكەرلىك ماسەلەسىن كوتەرىپ ءجۇرمىز. سونىمەن قاتار, الاش قايراتكەرلەرىنىڭ ەڭبەكتەرىن ناسيحاتتاۋ مەن سول ەڭبەكتەردىڭ قۇندىلىقتارىن كورسەتۋ دە باستى ماقسات. تاۋەلسىزدىگىمىزدى ساقتاپ قالۋ جانە ونى ارى قاراي دامىتۋ ماقساتىندا ايانباي ەڭبەك ەتەتىن بولامىز», دەدى ول.
كونفەرەنتسيا بارىسىندا قازاقستاننىڭ «اق جول» دەموكراتيالىق پارتياسى جامبىل وبلىستىق فيليالىنىڭ توراعاسى اسان قوشمامبەتوۆتىڭ پارتيا اتىنان اعىمداعى جىلى 9 ماۋسىم كۇنى كەزەكتەن تىس پرەزيدەنتتىك سايلاۋعا بايلانىستى وتكىزىلەتىن پرايمەريزمگە قاتىسۋىن كونفەرەنتسيا قاتىسۋشىلارى ءبىراۋىزدان قولدايتىندارىن جەتكىزدى.
جامبىل وبلىسى