ءىس-شاراعا 50 ەلدىڭ سالىق اكىمشىلىگىنەن 300-دەن استام دەلەگات, 4 حالىقارالىق جانە ايماقتىق ۇيىم, 6 عىلىمي اكادەميا, سونداي-اق بيزنەس-قوعامداستىق وكىلدەرى قاتىستى. جيىندى قىتاي مەملەكەتتىك سالىق اكىمشىلىگى «ءبىر بەلدەۋ – ءبىر جول» باستاماسى شەڭبەرىندە ۇيىمداستىر وتىر.
قازاقستان دەلەگاتسياسىن مەملەكەتتىك كىرىستەر كوميتەتىنىڭ توراعاسى مارات سۇلتانعازيەۆ باسقارادى. كونفەرەنتسياعا قاتىسۋشىلار كەڭەستىڭ باسشىلار قۇرامىن سايلادى. كەڭەستىڭ توراعاسى بولىپ قىتاي مەملەكەتتىك سالىق اكىمشىلىگىنىڭ ءمينيسترى ۆان تسزيۋن مىرزا, ال ونىڭ ورىنباسارى بولىپ مارات سۇلتانعازيەۆ سايلاندى.
ءوز سوزىندە مارات سۇلتانعازيەۆ كونفەرەنتسيا قاتىسۋشىلارىنىڭ قازاقستان رەسپۋبليكاسىنا دەگەن سەنىمىن جوعارى باعالاپ, العا قويىلعان مىندەتتەردى جۇزەگە اسىرۋ ءۇشىن بار كۇشىن سالاتىندىعىنا سەندىردى.
فورۋم دەلەگاتتارى وسى باستامانى جۇزەگە اسىرۋدىڭ باستاپقى نۇكتەسى بولاتىن سالىقتىق اكىمشىلىكتەندىرۋ سالاسىنداعى ىنتىماقتاستىق مەحانيزمى تۋرالى مەموراندۋمعا قول قويدى.
كونفەرەنتسيا بارىسىندا تاراپتار 5 نەگىزگى تاقىرىپ بويىنشا پىكىر الماسۋدى جوسپارلاپ وتىر. اتاپ ايتقاندا: سالىق اكىمشىلىكتەرىنىڭ الەۋەتىن ارتتىرۋ, زاڭ ۇستەمدىگى, سالىقتىق سەنىمدىلىكتىڭ دەڭگەيىن ارتتىرۋ, سالىق زاڭناماسىن جەتىلدىرۋ جانە سالىق اكىمشىلىكتەرىن تسيفرلاندىرۋ.
قاتىسۋشىلار تاجىريبەنى, ءبىلىم مەن رەسۋرستاردى ەكونوميكانىڭ ۇزدىكسىز جانە تۇراقتى دامۋىن قامتاماسىز ەتەتىن دوستىق سالىقتىق ورتانى قۇرۋعا باعىتتاۋدى كوزدەيدى.