كابينەت وبلىستاعى «ءتىلدارىن» تىلدەردى وقىتۋ ورتالىعىنىڭ بازاسىندا اشىلدى. قازاق ءتىلىن ۇيرەنگىسى كەلەتىن قوستانايلىقتارعا جاڭا ءالىپبيدى ۇيرەنۋ ءۇشىن بارلىق جاعداي جاسالعان. ولار لاتىن گرافيكاسى ارقىلى قازاق ءتىلىن كابينەت قابىرعالارىنا ىلىنگەن كورنەكى قۇرالدار جانە زاماناۋي تەحنيكالار پايدالانا وتىرىپ ۇيرەنە الادى.
مۇندا ءتىل ۇيرەنۋ جىل بويى تەگىن جۇرگىزىلەدى. ونىڭ سىرتىندا لاتىن ءحارپىن ۇيرەنگىسى كەلگەندەر اپتانىڭ ءار جۇماسىندا كەلىپ, پارتاعا وتىرۋىنا بولادى.
كابينەتتىڭ اشىلۋى ءتىل ۇيرەنۋشىلەرگە جاقسى قولايلىلىق جاسايدى. كەلۋشىلەرگە ەشكىم كەدەرگى جاسامايدى جانە كورنەكى قۇرالدار مەملەكەتتىك ءتىلدى ۇيرەنۋگە ىنتا بىلدىرگەندەرگە ەڭ ۇزدىك كومەكشىنىڭ ءبىرى. ايتپاقشى مۇنداي كابينەت رەسپۋبليكادا ءبىرىنشى رەت اشىلىپ وتىر, دەيدى وبلىستىق تىلدەردى دامىتۋ باسقارماسىنىڭ ءبولىم مەڭگەرۋشىسى, باقىتگۇل سۇيلەيمەنوۆا.