قالا تۇرعىندارى الەۋمەتتىك جەلىلەردە وزەكتى ماسەلەلەر بويىنشا ءتيىستى ماعلۇمات الا الادى. ماسەلەن, قالا اكىمىنىڭ ورىنباسارى ماليكا بەكتۇروۆا Telegram جەلىسىندەگى كانالى ارقىلى ە-جۇيەسىنىڭ كومەگىنسىز بالاباقشاعا جونەلتپە حاتتى الۋدىڭ مۇمكىندىگى تۋرالى اقپارات بەرگەن.
«جەكە قابىلداۋ وتكىزگەندە ازاماتتار ماعان بالاباقشاعا جونەلتپە حاتتى ەلەكتروندى جۇيەنىڭ كومەگىنسىز الۋ مۇمكىندىگىنە قاتىستى سۇراقتى ءجيى قويادى. الەۋمەتتىك جەلىلەردە بالالاردى «تەز ارادا, كەزەكتەن تىس, ەش قيىندىقسىز» بالاباقشاعا ورنالاستىرۋ تۋرالى حابارلامالارى بار پاراقشالار پايدا بولۋدا. اتا-انالارعا «ساۋالنامالاردى» تولتىرۋعا بەرەدى. وندا تۇرعىندار جسن-مەن قوسا,ء وز قۇجاتتارىنداعى, بالانىڭ قۇجاتتارىنداعى جەكە مالىمەتتەردى كورسەتۋى ءتيىس. وزدەرىنە قاجەتتى اقپاراتتى العان الاياقتار اتا-انالاردىڭ اتىنان جەكە كابينەتكە كىرىپ, جونەلتپە حاتتاردى الادى», – دەپ جازدى م. بەكتۇروۆا.
سونداي-اق, ول كەز كەلگەن اتا-انانىڭ بالاباقشا كەزەگىنە قاتىستى اقپاراتتى ءوز قۇجاتتارىنىڭ جەكە مالىمەتتەرىن بەلگىلەمەي-اق, بىلە الاتىندىعىن ەسكە سالدى.
«ەستەرىڭىزدە بولسىن: بالاباقشاداعى ورىندى جۇيەنىڭ كومەگىنسىز الۋعا بولمايدى. بىردەڭە تۇسىنىكسىز بولسا, ءبىلىم باسقارماسىنىڭ كومەگىنە جۇگىنىڭىز نەمەسە ءوز ءوتىنىمىڭىزدى بوت ارقىلى قالدىرىڭىز. بىرەۋگە اقى تولەپ, جەكە مالىمەتتەرىڭىزدى بەرمەڭىزدەر. ءوزىڭىزدىڭ جسن-ءدى بوتەن ازاماتقا بەرە وتىرىپ ءسىز پاتەرىڭىزدە بەلگىسىز ازاماتتىڭ تىركەلگەنىن, اتىڭىزعا تەلەفون ءنومىرىنىڭ تىركەلگەنىن نەمەسە نەسيەڭىزدىڭ بارىن بىلە الاسىز. ءوز قۇجاتتارىڭىزداعى مالىمەتتەردى الاياقتاردان ساقتاڭىزدار», – دەپ اتاپ ءوتتى بەكتۇروۆا.
بۇدان بۇرىن نۇر-سۇلتان اكىمدىگىنىڭ رەسمي سايتى ەلوردا اۋداندارى مەن اكىمدىكتىڭ قۇرىلىمدىق بولىمدەرى باسشىلارىنىڭ فەيسبۋكتەگى پاراقشالارى مەن جەكە ۇيالى تەلەفوندارىنىڭ نومىرلەرىن جاريالاعان بولاتىن. مۇنداي تاپسىرمانى نۇر-سۇلتان قالاسىنىڭ اكىمى باقىت سۇلتانوۆ بەردى.