ماقسات – برۋتسەللەز اۋرۋىن جۇقتىرعان مالداردى انىقتاپ, اۋرۋدىڭ ودان ءارى تارالۋىنا جول بەرمەۋ. جوسپار بويىنشا بيىل قارا مالدان 81 مىڭ سىناما, قويدان 25 مىڭ سىناما الۋ قاراستىرىلسا, قازىر ءار ايدا قارا مالدان 25 مىڭ سىناما الىنۋدا. سىناما بارىسىندا, اۋدان بويىنشا 300 ءىرى قارادان برۋتسەللەز اۋرۋى تابىلعان.
جالپى اۋداندا جەكەمەنشىكتە 68 مىڭ قارا مال بار. مىسالى, قۇندىكول اۋىلدىق اۋماعىندا 5 مىڭ مال بولسا,37-ءسى برۋتسەللەز دەرتىن جۇقتىرعانى انىقتالعان. سوندىقتان, مال يەلەرى دە تەكسەرىلەدى.
مامانداردىڭ ايتۋىنشا, نەگىزى, برۋتسەللەز اۋرۋىنا قارسى ەگۋ جۇمىستارىنا اۋىلدىقتاردىڭ وزدەرى جاۋاپتى. مال يەسى ەكپە ساتىپ السا - ۆەتەرينارلار مالعا ەكپە جاسايدى. ال, اۋرۋ دەپ تابىلعان مالدىڭ بارلىعى وقشاۋلانىپ, سويىلىپ, اقمولا وبلىسىنداعى ەت وڭدەۋ تسەحىنا اكەتىلۋدە.
ارنايى مەموراندۋم بويىنشا ەت وڭدەيتىن كاسىپورىن برۋتسەللەزبەن اۋىرعان قارا مال ەتىن كەلىسىن 700-1000 تەڭگە ارالىعىندا باعالاپ ساتىپ الادى. اۋداندىق ۆەتەريناريا ءبولىمى سويىلعان مالدى تسەحقا ءوز كولىكتەرىمەن اپارىپ تاپسىرىپ, ونداعى زەرتحانانىڭ حاتتاماسىن الىپ قايتادى
پاۆلودار وبلىسى