وتكەن جىلعى اكتسيا ناتيجەسىندە ەلوردامىزعا 120 جاس مامان كەلدى. قازىر ولاردىڭ بارلىعى قالانىڭ ءبىلىم بەرۋ مەكەمەلەرىندە جۇمىس ىستەيدى.
«قالالىق ءبىلىم بەرۋ ۇيىمدارىنا جاس مامانداردى جۇمىسقا تارتۋ ماقساتىندا قالالىق ءبىلىم باسقارماسىنىڭ وكىلدەرى وڭىرلەردەگى ۋنيۆەرسيتەتتەر مەن كوللەدجدەرگە بارۋدا. ساپار بارىسىندا ءبىز ءو. سۇلتانعازين اتىنداعى قوستاناي مەملەكەتتىك پەداگوگيكالىق ۋنيۆەرسيتەتىنە, قوستاناي پەداگوگيكالىق كوللەدجىنە, رۋدنىي الەۋمەتتىك-گۋمانيتارلىق كوللەدجىنە باردىق. قازىرگى ۋاقىتتا جۇمىس توبىنىڭ مۇشەلەرى قاراعاندىدا. اپتانىڭ سوڭىندا ولار كوكشەتاۋعا اتتانادى. سودان كەيىن جۇمىس توبى پاۆلوداردا بولىپ قايتادى», – دەپ مالىمدەدى ۆەدومستۆونىڭ ءباسپاسوز قىزمەتىندە.
باسقارما اقپاراتىنا سۇيەنسەك, پەداگوگيكالىق جوعارى وقۋ ورىندارى مەن كوللەدج تۇلەكتەرىمەن كەزدەسۋ بارىسىندا ەلوردادا جۇمىس ىستەۋدىڭ ارتىقشىلىقتارى جايلى ايتىلادى, ءبىلىم بەرۋ سالاسىنداعى يننوۆاتسيالىق شەشىمدەر كورسەتىلەدى.
ستۋدەنتتەرگە ارنالعان تۇساۋكەسەردە تۇرعىن ءۇي سەرتيفيكاتتارىن الۋدىڭ الگوريتمى, اقشالاي سىيلىق بەرىلەتىن كاسىبي جارىستارعا قاتىسۋ جايلى ايتىلۋدا.
ەستەرىڭىزگە سالا كەتەيىك, بۇل شارا جاڭا ءبىلىم وردالارى اشىلۋى سەبەبىنەن بولاتىن كادر تاپشىلىعى ماسەلەسىن شەشۋ ءۇشىن قولعا الىندى. باسقارما ماماندارىنىڭ بولجامىنا سايكەس, الداعى ءۇش جىلدا ەلورداعا بارلىق دەڭگەيدەگى 2 مىڭنان استام مۇعالىم قاجەت بولادى.