كونفەرەنتسياعا قالا اكىمى ع. ءابدىراحىموۆ, ءماسليحات حاتشىسى ع. تاشقاراەۆ, ساياسي كەڭەس مۇشەلەرى, ءماسليحات دەپۋتاتتارى, مەملەكەتتىك ورگان باسشىلارى, اۋداندان سايلانعان دەلەگاتتار جانە بۇقارالىق اقپارات قۇرالدارى وكىلدەرى قاتىستى. قالا اكىمىنىڭ ورىنباسارى پارتيالىقتارعا «Nur Otan» پارتياسى توراعاسى ن.ءا.نازارباەۆتىڭ پارتيانىڭ 18 سەزىندە بەرگەن تاپسىرمالارى - «حالىققا كومەك», «قۇتتى مەكەن», «باقىتتى وتباسى» جوبالاردى جۇزەگە اسىرۋ بارىسى تۋرالى ەسەپ بەردى.
- «باقىتتى وتباسى» جوباسى اياسىندا قالامىزدا اۋقىمدى جۇمىستار اتقارىلۋدا. مەملەكەتتىك اتاۋلى الەۋمەتتىك كومەك بويىنشا بۇگىنگى كۇنگە 32 559 ازاماتقا ءتۇسىندىرۋ جۇمىستارى جۇرگىزىلىپ, ونىڭ ىشىندە 17 582 وتباسىنىڭ ءوتىنىشى تىركەلدى. سونداي-اق, قالا تۇرعىندارىنىڭ الەۋمەتتىك كارتاسىن جاساقتاۋ جۇمىستارى جۇرگىزىلۋدە, بۇگىنگى كۇنگە «ە-حالىق» اقپاراتتىق جۇيەسىنە 21 081 وتباسى (75 725 ادام) ەندى, - دەگەن گۇلجان قۇرمانبەكوۆا بارلىق سالالار بويىنشا اتقارىلعان جۇمىستارعا توقتالدى.
قالا اكىمى, «Nur Otan» پارتياسى فيليال توراعاسى عابيدوللا ءابدىراحىموۆ كونفەرەنتسيا جۇمىسىن قورىتىندىلاپ, پارتيا اكتيۆىنە ناقتى تاپسىرمالار جۇكتەدى.
كونفەرەنتسيا بارىسىندا «Nur Otan» پارتياسىنىڭ كەزەكتەن تىس ءحىX سەزىنە دەلەگاتتار ءتىزىمى انىقتالىپ, شىمكەنت قالاسىنان 30 دەلەگات سايلاندى. ولار الداعى 23 ساۋىردە نۇر-سۇلتان قالاسىندا وتەتىن «Nur Otan» پارتياسىنىڭ كەزەكتەن تىس XIX سەزىنە قاتىسادى.