وتاننىڭ تىنىشتىعى ساقتالىپ, بەرەكەلى ەلگە اينالدى. وسىنداي بەيبىت تە, مامىراجاي حالقىمىز ءۇشىن تۇڭعىش پرەزيدەنت – ەلباسى نۇرسۇلتان ءابىش ۇلى نازارباەۆتىڭ پرەزيدەنتتىك وكىلەتتىگىن توقتاتۋ تۋرالى قابىلداعان تاريحي شەشىمى كوڭىلدى الاڭداتىپ, ويعا سالعانداي بولدى. سوعان قاراماستان بيلىكتىڭ بەيبىت جولمەن اۋىسىپ, كوپكە ۇلگى بولا العانى قانشاما جاس بۋىننىڭ رۋحىن وياتتى. پرەزيدەنت قاسىم-جومارت توقاەۆتى تاڭداۋ – ەلدەگى ساياساتتىڭ ءساتتى ساباقتاستىعى ىسپەتتى بولىپ وتىر. ەلباسىنىڭ سەنىمدى سەرىگىنىڭ وزىنە ارتىلعان اۋىر جۇكتى قينالماي كوتەرەتىنىنە ەشقانداي كۋمان جوق.
سونداي-اق كوپ ۇزاماي مەملەكەت باسشىسى قاسىم-جومارت توقاەۆتىڭ ەلىمىزدە كەزەكتەن تىس پرەزيدەنتتىك سايلاۋ وتكىزۋ تۋرالى قابىلداعان شەشىمىن وتە ورىندى دەپ سانايمىن. ويتكەنى وتپەلى كەزەڭدە ءبىر شەشىمگە توقتالىپ, ىشكى جانە سىرتقى ساياسات ءۇشىن تولىق سەنىم ارقالاي الاتىنداي وكىلەتتىلىككە يە پرەزيدەنت انىقتالعانى ءجون. پرەزيدەنتكە قوعام تاراپىنان بىلدىرىلگەن سەنىم دەڭگەيىن ارتتىرىپ, حالىقتىڭ ءوزىن قاۋىپسىز, ەركىن سەزىنۋىن قالىپتاستىرۋىمىز كەرەك. ەلىمىزدىڭ قاۋىپسىزدىگى مەن بەيبىت ەلدىڭ اماندىعى قاشاندا كۇن تارتىبىندەگى وزەكتى ماسەلە بولىپ قالا بەرەدى. ستراتەگيالىق ماڭىزى بار جوبالار مەن كۇن تارتىبىندە ورنالاسقان الەۋمەتتىك-ەكونوميكالىق ماسەلەلەردى جۇزەگە اسىرۋ دا بيلىك اۋىسىمىنا تىكەلەي بايلانىستى.
ناقتىلىق پەن تۇراقتىلىق قوعامنىڭ باستى سۇرانىسى ەكەنى انىق. بۇل رەتتە قازاقستان حالقى ءوز تاڭداۋىن لايىقتى تۇردە جاسايدى دەپ سەنەمىن.اباي تاسبولاتوۆ,
پارلامەنت ءماجىلىسىنىڭ دەپۋتاتى, گەنەرال-لەيتەنانت