وعان جوعارعى جانە ورتا ارناۋلى وقۋ ورىندارىنىڭ ستۋدەنتتەرى, اۋىل جانە قالا جاستارى جانە تاعى باسقا جاستار ۇيىمدارى, «جاس وتان» جاستار قاناتىنىڭ مۇشەلەرى بەلسەنە قاتىستى. ارالدا تازالىق جۇمىستارىن جۇرگىزىپ, كوشەتتەر ەكتى.
كەلەسى كۇنىندە جاستار « ۇلى دالا كەلبەتى» تاقىرىبىندا گراففيتي باعىتىنداعى سۋرەتتەر سالدى. بۇدان ارىعاراي فەستيۆال ۇلى ابايدىڭ ەسكەرتكىشىنە گۇل شوقتارىن قويىپ, تاعزىم ەتۋگە جالعاستى. ال نەۆزوروۆتار وتباسى اتىنداعى بەينەلەۋ ونەرى مۋزەيىندە «Zhas project» جوباسىنىڭ جەڭىمپازى, سۋرەتشى ولگا چاۆكينامەن قىزىقتى كەزدەسۋ ءوتتى. ولگا «Perfomance» ارت-ستۋدياسىنىڭ جەتەكشىسى رەتىندە شەبەرلىك ساعاتتار وتكىزدى. قاتىسۋشى جاستار كوپ ءتالىم الدى, دەيدى قالاداعى جاستار رەسۋرستىق ورتالىعىنىڭ ديرەكتورى ولجاس سوعىمباي.
فەستيۆال شەڭبەرىندە وتكىزىلگەن شەبەرلىك ساعاتتارمەن, ديالوگ الاڭدارىنا 1500 ادام قاتىستى. ءوز سالالارىنىڭ ۇزدىكتەرى سانالاتىن «الەم بارىسى» ايبەك نۇعىماروۆ سىندى سپورتشى, ياكي جاس اقىن, سۋرەتشى, سپورتشى جانە ارتىستەر قۇرداستارىنا جەتىستىكتەرى تۋرالى ايتىپ, تاجىريبەلەرىمەن ءبولىستى. Art-فەستيۆال كوركىن ۇلتتىق ويىندار مەن بيلەر قىزدىردى. بىرنەشە تاقىرىپتىق الاڭعا بولىنگەن قالالىق مادەنيەت سارايىنىڭ اۋماعىندا جينالعان جاستار قازاقتىڭ ۇلتتىق ويىندارىنا قاتىسىپ, كاراوكەدە سۇيىكتى اندەرىن شىرقاۋعا مۇمكىندىك الدى. سونىمەن قاتار «دومبىرا party» اياسىندا بەلگىلى قازاق كۇيلەرى ورىندالدى.
Art-فەستيۆالدىڭ قورىتىندى گالا-كونتسەرتىنە «پراجسكيە شەدەۆرى» حالىقارالىق فەستيۆال-كونكۋرسىنىڭ جەڭىمپازى تاتيانا كۋروپاتكينا, «ح-فاكتور» جوباسىنىڭ جەڭىمپازى ەۆگەني ۆىبلوۆ جانە «جاس قانات» بايقاۋىنىڭ باس جۇلدەگەرى پاراسات وتاندار قاتىستى. وبلىس اكىمىنىڭ ورىنباسارى اسەم ءنۇسىپوۆا بارلىق جاستارعا «بەلسەندى قاتىسقانى ءۇشىن!» ماقتاۋ قاعازى مەن العىس حاتتاردى تابىستادى.
راۋشان نۇعمانبەكوۆا