بۇل ەسىم جانكۇيەرلەرگە جاقسى تانىس. قازاق مارافونشىسى ەڭ ءىرى شولەردى – ساحارا (1700 شاقىرىمدى 24 كۇندە), قاراقۇم (1200 شاقىرىمدى 20 كۇندە), ۇلكەن ۆيكتوريا (1600 شاقىرىمدى 22 كۇندە) جانە تاعى باسقالارىن جۇگىرىپ وتكەن جەر بەتىندەگى جالعىز ادام. بيىكتىگى 5 642 شاقىرىمدى قۇرايتىن ەلبرۋس تاۋىنا جەتى كۇننىڭ ىشىندە جۇگىرىپ شىقتى. ءوزىنىڭ سپورتتىق عۇمىرىندا ول تۇتاستاي العاندا 160 مىڭ شاقىرىمدىق قاشىقتىقتى باعىندىرعان ەكەن. وسى سەكىلدى كەرەمەت كورسەتكىشتەرىنىڭ ارقاسىندا ايگىلى قانداسىمىزدىڭ ەسىمى گيننەسس رەكوردتار كىتابىنا جەتى مارتە تىركەلدى.
55 جاستاعى مارات جىلانباەۆ اتىراۋداعى ءدۇبىرلى دوداعا قاتىسىپ قانا قويماي, جينالعان قاۋىمعا مارافون مەن ۋلترا-مارافون جۇگىرۋدە ءوزى ويلاپ تاپقان جاتتىعۋ جۇيەسى جايىندا ءبىراز ماعلۇمات بەرەدى. 13 ءساۋىر كۇنى داڭقتى جەلاياق حالەل دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىنىڭ ستاديونىندا جاتتىعۋ وتكىزەدى.