«23 ءساۋىر كۇنى وڭتۇستىك كورەيا مەملەكەتىنە جول تارتامىز. تاەكۆوندونىڭ وتانى سانالاتىن اتالعان ەلدە 10 مامىرعا دەيىن بىرلەسكەن وقۋ-جاتتىعۋ جيىنىن وتكىزەمىز. كورەيا ۇلتتىق قۇراماسىمەن بىرلەسە جاتتىعۋ ماسەلەسى ءالى تولىعىمەن شەشىلگەن جوق. دەگەنمەن, كورەيا ۋنيۆەرسيتەتىنىڭ كومانداسى بىزگە سپاررينگتىك قارسىلاس اتانباق. مۇنىڭ ءوزى ۇلكەن جەتىستىك. ويتكەنى, كورەيالىق تاەكۆوندوشىلاردىڭ دەڭگەيى وتە جوعارى. ۇلىبريتانيادا وتەتىن الەم چەمپيوناتىنىڭ الدىندا ءبىز مىقتىلارمەن بىرگە جاتتىعۋىمىز كەرەك», - دەيدى اعا باپكەر.
تاەكۆوندودان الەم چەمپيوناتى 15-19 مامىر ارالىعىندا ۇلىبريتانيانىڭ مانچەستەر قالاسىندا وتەدى.
الەمدىك دوداعا قاتىساتىن قازاقستاندىق سپورتشىلار ءتىزىمى:
ەرلەر: سامات تەمىرحان (54 كەلى), ەلدوس ىسقاق (58 كەلى), ەلدار ءبىرىمباي (63 كەلى), نۇرسۇلتان ماماەۆ (68 كەلى), قايرات سارىمساقوۆ (74 كەلى), نۇرلان مىرزاباەۆ (80 كەلى), سمايىل دۇيسەباي (87 كەلى), رۋسلان جاپاروۆ (+87 كەلى).
قىزدار: اينۇر لاشباي (46 كەلى), اينۇر ەسبەرگەنوۆا (49 كەلى), فاريزا الدوڭعاروۆا (53 كەلى), بوتاگوز قوپانوۆا (57 كەلى), فاتيما جاقسىباەۆا (62 كەلى), اقساۋلە ەرقاسىموۆا (67 كەلى), جانسەل دەنيز (73 كەلى), مەرەكە ءجۇنىسوۆا (+73 كەلى).