عالىمجان ءابدىرايىموۆ 1965 جىلى 14 مامىردا جامبىل وبلىسىندا دۇنيەگە كەلگەن. جامبىل گيدرومەليوراتيۆتى-قۇرىلىس ينستيتۋتىن, «تۇران» ۋنيۆەرسيتەتىن بىتىرگەن. ەڭبەك جولىن كولحوزدا شەبەر بولىپ باستادى, ءارتۇرلى قۇرىلىم ۇيىمدارى مەن مەكەمەلەرىندە جاۋاپتى قىزمەتتەر اتقاردى. قازاقستان رەسپۋبليكاسى يندۋستريا جانە ساۋدا مينيسترلىگىنىڭ قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى جونىندەگى كوميتەتى مەملەكەتتىك ساۋلەت-قۇرىلىس باقىلاۋ, اككرەديتتەۋ جانە اتتەستاتتاۋ باسقارماسىنىڭ ديرەكتورى بولدى.
2009-2013 جىلدارى قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى اگەنتتىگىنىڭ مەملەكەتتىك ساۋلەت-قۇرىلىس باقىلاۋ, اتتەستاتسيالاۋ جانە اككرەديتاتسيالاۋ دەپارتامەنتىنىڭ ديرەكتورى.
2013 جىلدان باستاپ قر وڭىرلىك دامۋ مينيسترلىگىنىڭ قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتى توراعاسىنىڭ ورىنباسارى بولعان.
ال 2014-2018 جىلدار ارالىعىندا ول الماتى وبلىسى اكىمى اپاراتىنىڭ جەتەكشىسى, الماتى وبلىسى اكىمىنىڭ ورىنباسارى, جامبىل وبلىسى اكىمىنىڭ ورىنباسارى بولعان. 2018 جىلدىڭ ساۋىرىنەن بۇگىنگە دەيىن تاراز اكىمى بولعان.