يسپانيانىڭ قوس ۇجىمى – ۆيلياررەال مەن ۆالەنسيا ءوزارا شەبەرلىك بايقاسادى. العاشقى ماتچ العاشقىسىنىڭ الاڭىندا, ياعني «ەستاديو دە لا سەراميكا» ستاديونىندا وتەدى.
پورتۋگاليانىڭ «بەنفيكاسى» گەرمانيانىڭ فرانكفۋرت قالاسىنان كەلگەن «اينتراحتپەن» كەزدەسەدى. ليسسابونداعى باسەكە دە جانكۇيەرلەر كوڭىلىنەن شىعادى دەگەن ويدامىز.
چەحيانىڭ «سلاۆياسى» انگليانىڭ «چەلسيىن» قابىلدايدى. وسى ويىندا اعىلشىندار فاۆوريت سانالعانىمەن, پراگادا ىرگەتاسى قالانعان كوماندا ءوز الاڭىندا وڭايلىقپەن بەرىلە قويمايتىنى انىق.
ال شيرەك فينالداعى ەڭ قىزىقتى كەزدەسۋ لوندونداعى «ستامفورد بريدج» ستاديونىندا «ارسەنال» مەن «ناپولي» اراسىندا وتەدى دەپ كۇتىلۋدە. ولاي دەۋگە نەگىز, قوس كوماندانىڭ دا جەڭىسپەن ورىلگەن باي ءداستۇرى بار. قازىرگى كەزدە انگليانىڭ دا, يتاليانىڭ دا ايتۋلى كوماندالارى وتە جاقسى ويىن ورنەگىن كورسەتىپ ءجۇر.