وسى جارىسقا تىڭعىلىقتى دايارلانۋ ماقساتىندا الماتىنىڭ «قايراتى» رەسەيگە اتتانىپ, ەكى جولداستىق كەزدەسۋ وتكىزۋدى جوسپارلاپ وتىر. ولار ايتۋلى ەلدىڭ ۇلتتىق كومانداسى جانە نوريلسكىنىڭ «نوريلسكي نيكەل» كلۋبىمەن كۇش سىناسادى.
بۇل كوماندالاردىڭ ەكەۋى دە مىقتى. رەسەي قۇراماسى الەم چەمپيوناتىنىڭ ەكى دۇركىن جۇلدەگەرى (1996, 2006), ەۋروپا بىرىنشىلىگىندە ءبىر التىن (1999), بەس كۇمىس (1996, 2005, 2012, 2014, 2016) جانە ءۇش قولا (2001, 2007, 2018) مەدالدى يەلەندى.
«نوريلسكي نيكەل» جايىندا ايتار بولساق, بۇل كوماندانىڭ ىرگەتاسى 1993 جىلى قۇرىلدى. 2001/2002 جىلعى ماۋسىمدا ولار رەسەي چەمپيونى اتانىپ, ۋەفا كۋبوگى جولىنداعى جارىسقا قاتىستى.
ال ءساۋىر ايىنىڭ سوڭىندا الماتىدا وتەتىن ۋەفا كۋبوگىنىڭ «تورتتىك فينالىندا» پورتۋگاليانىڭ «سپورتينگى», يسپانيانىڭ «بارسەلوناسى» مەن «ينتەر موۆيستارى» جانە قازاقستاننىڭ «قايراتى» كۇش سىناسادى.