يندۋستريا جانە ينفراقۇرىلىمدىق دامۋ مينيسترلىگىنىڭ اۆتوموبيل جولدارى كوميتەتى توراعاسىنىڭ ورىنباسارى ءساتجان ابىلاليەۆ PrimeMinister.kz-كە بەرگەن ەكسكليۋزيۆتى سۇحباتىندا سۋ تاسقىنى كەزەڭىندە اۆتوموبيل جولدارىنىڭ قاۋىپسىزدىگى مەن تۇراقتىلىعىن قامتاماسىز ەتۋ بويىنشا قانداي شارالار قابىلداناتىنى تۋرالى ايتىپ بەردى.
سوڭعى جىلدارى سۋ تاسقىنى ماسەلەسى وتە وزەكتى, كەي جەرلەردە كليماتتىق جاعدايلار وزگەرۋدە. بۇدان بۇرىن سالىنعان جولدار, اسىرەسە كوكتەمگى سۋ تاسقىنى كەزەڭىندە, ەرىگەن سۋدىڭ ءوتۋىن قامتاماسىز ەتپەيتىندىكتەن, مينيسترلىك اتالعان باعىتتا كەشەندى جۇمىس جۇرگىزىپ جاتىر.
«رەكونسترۋكتسيالاۋ مەن جاڭا جولداردى سالۋ كەزىندە ءبىز كليماتتىق جاعدايلاردى ەسكەرەمىز. ارنايى زەرتتەۋلەر جۇرگىزىلدى, وسىلايشا ءبىز جاڭا جوبالاردا بارلىق ماسەلەلەردى ەسكەرەمىز: ەرىگەن سۋلاردىڭ ءوتۋ ورىندارى قايتا قاراستىرىلادى, كەيبىر قۇبىرلارداعى تەسىكتەر ۇلكەيتىلەدى, ەرىگەن سۋلاردى قاۋىپسىز وتكىزۋ ءۇشىن بارلىق قولجەتىمدى تەحنولوگيالار قولدانىلادى», - دەدى س. ابىلاليەۆ.