قىتايدىڭ استاناسى – بەيجىڭ قالاسىندا شايبالى حوككەيدەن ءبىرىنشى ديۆيزيونداعى «ۆ» توبىنداعى كوماندالار اراسىندا ءوتىپ جاتقان الەم چەمپيوناتىندا قازاقستاننىڭ ايەلدەر قۇراماسى تاعى دا ۇتىلدى.
ءۇشىنشى كەزدەسۋدە جەرلەستەرىمىز لاتۆياعا قارسى وينادى. كەزدەسۋدىڭ 3-مينۋتىندا لەۆا پەتەرسون ەسەپ اشسا, 11-مينۋتتا ماليكا الدابەرگەنوۆا تارازى باسىن تەڭەستىردى. بۇل ەسەپ ۇزاققا دەيىن ساقتالدى. ەكىنشى جانە ءۇشىنشى كەزەڭدەردە كورەرمەندەر بىردە-ءبىر سوعىلعان گولدى كورە العان جوق. ال قوسىمشا ۋاقىتتا بالتىق جاعالاۋىنان كەلگەن قىزداردىڭ باعى جاندى. 66-مينۋتتا اننا كۋبلينا نىسانانى ءدال كوزدەپ, ءوز كومانداسىنا جەڭىس سىيلادى.
وسىلايشا, جەرلەستەرىمىز قاتارىنان ءۇشىنشى باسەكەدە جەڭىلىستىڭ كەرمەك ءدامىن تاتتى. بۇعان دەيىن ءبىزدىڭ قىزدار پولشا (3:5) جانە گوللانديا (1:3) قۇرامالارىنا ەسە جىبەرگەن ەدى.